പരി: സ്ളീബാ മോർ ഒസ്താത്തിയോസ് ബാവയുടെ ഓർമ്മപ്പെരുന്നാൾ’വാഹന യാത്രക്ക് സ്വീകരണം നൽകി

ചാലിശ്ശേരി സെൻ്റ് പീറ്റേഴ്സ് ആൻ്റ് സെൻ്റ് പോൾസ് യാക്കോബായ സുറിയാനി പള്ളിയിൽ വാഹന വിളംബര റാലിക്ക് സ്വീകരണം നൽകി .കുന്നംകുളം – ആർത്താറ്റ് സെൻ്റ് മേരീസ് സിറിയൻ സിംഹാസന പള്ളിയിൽ കബറടങ്ങിയിരിക്കുന്ന അന്ത്യോഖ്യ സിംഹാസന പ്രതിനിധിയായ പരിശുദ്ധ സ്ളീബ മോർ ഒസ്താത്തിയോസ് ബാവയുടെ 96 മത് ഓർമ്മപെരുന്നാളിൻ്റെ ‌ ഭാഗമായി സംഘടിപ്പിച്ച വാഹന വിളംബര റാലിയാണ് ഞായറാഴ്ച വൈകീട്ട് ചാലിശ്ശേരിയിലെത്തിയത്.
റാലിയെ വികാരി ഫാ അബ്രഹാം യാക്കോബ് പൂവ്വത്ത്മണ്ണിൽ ,ട്രസ്റ്റി സി.യു.ശലമോൻ , സെക്രട്ടറി ടൈറ്റസ് ഡേവീഡ് എന്നിവരുടെ നേതൃത്യത്തിൽ ഇടവക വിശ്വാസികൾ ചേർന്ന് സ്വീകരിച്ചു.സിംഹാസന പള്ളി വികാരി ഫാ ജിബിൻ ചാക്കോ ഫാ. മനു തങ്കച്ചൻ ,ഫാ. സിജി മാത്യൂ എന്നിവർ സംസാരിച്ചു. 21 ന് ശനിയാഴ്ച രാവിലെ 9.30 ന് പള്ളിയിൽ നിന്ന് കുന്നംകുളം – ആർത്താറ്റ് സിംഹാസന പള്ളിയിലേക്ക് വടക്കൻ മേഖല കാൽ നട തീർത്ഥയാത്രയും നടക്കും.