മലപ്പുറത്തിന്റെ കുറ്റാന്വേഷണത്തിന് അഭിമാനനേട്ടം’ബാഡ്ജ് ഓഫ് ഹോണർ ഏറ്റുവാങ്ങി അന്വേഷണസംഘം

കുറ്റാന്വേഷണ മികവിന് സംസ്ഥാന പോലീസ് മേധാവിയുടെ ബാഡ്ജ് ഓഫ് ഹോണർ ഏറ്റുവാങ്ങി മലപ്പുറത്തെ പ്രത്യേക അന്വേഷണ സംഘം.മലപ്പുറം ജില്ലാ പോലീസും പൊന്നാനി പോലീസ് സ്റ്റേഷനുമാണ് അന്വേഷണമികവിനുള്ള സംസ്ഥാന പോലീസ് മേധാവിയുടെ പ്രത്യേക അംഗീകാരം ഏറ്റ് വാങ്ങിയത്.വ്യാഴാഴ്ച വൈകിയിട്ട് തിരുവനന്തപുരത്തെ പോലീസ് ആസ്ഥാനത്ത്”മൈൻഡ്”ഓഡിറ്റോറിയത്തിൽ വെച്ച് നടന്ന ചടങ്ങിൽ റവഡാ ചന്ദ്രശേഖർ ഐപിഎസ് ൽ നിന്നും അന്വേഷണസംഘം പുരസ്കാരം ഏറ്റു വാങ്ങി.സംസ്ഥാനത്ത്കഴിഞ്ഞ വര്‍ഷം കുറ്റാന്വേഷണ മേഖലയിൽ മികവ് പുലർത്തിയതിനാണ്‌ മലപ്പുറം ജില്ലാ പോലീസ് മേധാവിയുടെ നേതൃത്വത്തിലുള്ള പൊന്നാനി സ്‌ക്വാഡിലെ 12 പേരടങ്ങുന്ന അന്വേഷണ സംഘം അംഗീകാരം കരസ്ഥമാക്കിയത്.മലപ്പുറം ജില്ലാ പോലീസ് മേധാവി ചൈത്ര തെരേസ ജോൺ ഐപിഎസ് ഉൾപ്പടെയുള്ള സംസ്ഥാനത്തെ 175 ഓളം സേനാംഗങ്ങളാണ് ഇത്തവണ സംസ്ഥാന പോലീസ് മേധാവി റവഡാ ചന്ദ്രശേഖർ ഐപിഎസ് ല്‍ നിന്നും അന്വേഷണമികവിനുള്ള ബാഡ്ജ് ഓഫ് ഹോണർ ഏറ്റുവാങ്ങിയത്.