കൂറ്റനാട് ആമക്കാവ് പൂരം നാളെ നടക്കും

കൂറ്റനാട് : ആനകളെ അണിനിരത്തിയുള്ള കൂട്ടിയെഴുന്നള്ളിപ്പും നാട്ടു വേലകളും മേളങ്ങളുമായി പെരിങ്ങോട് ആമക്കാവ് ഭഗവതി ക്ഷേത്രത്തിലെ പൂരം വെള്ളിയാഴ്ച ആഘോഷിക്കും. 96 ദേശ ങ്ങൾക്ക് ഉത്സവപ്പൊലിമയേകിയാണ് ആഘോഷം നടക്കുന്നത്. രാവിലെ മുതൽ നടക്കുന്ന വിശേഷാൽ പൂജകൾക്ക് തന്ത്രി പാലക്കാട്ടിരി നാരായണൻ നമ്പൂതിരിപ്പാട് മുഖ്യ കാർമികത്വവഹിക്കും .12 ദിവസം മുൻപാണ്ഉത്സവത്തിന് കൊടിയേറ്റം നടന്നത്. വ്യാഴാഴ്ച വൈകീട്ട് പെരിങ്ങോട് താഴത്തെ സെന്ററിൽ പനമണ്ണ ശശി, അത്താലൂർ ശിവദാസൻ എന്നിവർ തായമ്പക അവതരിപ്പിക്കും.രാത്രി 8.30ന് വെടിക്കെട്ടും ഉണ്ടാവും