നിയമസഭ തിരഞ്ഞെടുപ്പ് ‘പൊന്നാനി നിലനിര്‍ത്താന്‍ രണ്ടാം തവണയും നന്ദകുമാര്‍?

പൊന്നാനി നിലനിര്‍ത്താന്‍ രണ്ടാം തവണയും നിലവിലെ എംഎല്‍എ പി നന്ദകുമാര്‍ തന്നെ മത്സരത്തിന് ഇറങ്ങുമെന്ന് നിഗമനം.എം സ്വരാജ് പൊന്നാനിയില്‍ മത്സരിക്കുമെന്ന് അഭ്യൂഹമുണ്ടായിരുന്നെങ്കിലും നിലവിലെ സാഹചര്യത്തില്‍ സ്വരാജ് പൊന്നാനിയില്‍ മത്സരിക്കാന്‍ സാധ്യതയില്ലെന്നാണ് വിവരം.ടിഎം സിദ്ധീക്,എംകെ സക്കീര്‍,വിപി സാനു,കെഎസ് ഹംസ തുടങ്ങിയവരും സിപിഎം സ്ഥാനാര്‍ത്ഥി ലിസ്റ്റില്‍ ഉള്‍പെട്ടിട്ടുണ്ടെന്നാണ് വിവരം.എംഎല്‍എ മത്സരത്തില്‍ നിന്ന് പിന്‍മാറിയാല്‍ നിലവിലെ സാഹചര്യത്തില്‍ ടിഎം സിദ്ധിക്കിന് തന്നെയാണ് സാധ്യത കൂടുതലെന്നാണ് പ്രാദേശിക നേതൃത്വങ്ങള്‍ നല്‍കുന്ന വിവരം.ടിഎം സിദ്ധിക്കിന് തീരദേശ മേഖലയില്‍ നിലനില്‍കുന്ന വലിയ സ്വാധീനം സിപിഎം ന്റെ വിജയം എളുപ്പമാകുമെന്നാണ് പ്രവര്‍ത്തകരുടെ വിലയിരുത്തല്‍.തുടര്‍ച്ചയായി സിപിഎം ജയിച്ച് കയറുന്ന പൊന്നാനി ജില്ലയില്‍ തന്നെ സിപിഎം ന് ഏറെ പ്രതീക്ഷയുള്ള മണ്ഡലമാണ്.ഈ മണ്ഡലം നിലനിര്‍ത്താന്‍ കരുത്തരായ സ്ഥാനാര്‍ത്ഥിയെ തന്നെ മണ്ഡലത്തില്‍ ഇറക്കുമെന്നും പ്രവര്‍ത്തകര്‍ പറയുന്നു