യുദ്ധം ലോകസമാധാനത്തിന് ഭീഷണി: ആക്രമണങ്ങളെ അപലപിച്ച് UN സെക്യൂരിറ്റി കൗൺസിൽ

ആക്രമണങ്ങളെ അപലപിച്ച് യുഎൻ സെക്യൂരിറ്റി കൗൺസിൽ. യുദ്ധം ലോകസമാധാനത്തിന് ഭീഷണി. ഇറാനിലെ 20 ഓളം നഗരങ്ങൾ ആക്രമണത്തിന് ഇരയായിട്ടുണ്ടെന്ന് യുഎൻ സെക്രട്ടറി ജനറൽ ആന്റോണിയോ ഗുട്ടെറസ് പറഞ്ഞു. ഇറാനിയൻ നേതാക്കൾ കൊല്ലപ്പെട്ടതായി റിപ്പോർട്ടുകൾ ഉണ്ടെന്നും എന്നാൽ അത് സ്ഥിരീകരിക്കാൻ കഴിയില്ലെന്ന് അദേഹം വ്യക്തമാക്കി. പ്രശ്ന പരിഹാരത്തിനും ശത്രുത ഉടനടി അവസാനിപ്പിക്കാനും ആഹ്വാനം ചെയ്യുന്നതായി ആന്റോണിയോ ഗുട്ടെറസ് പറഞ്ഞു. അതേസമയം ഖമനയി കൊല്ലപ്പെട്ടോ എന്നതിൽ ആന്റോണിയോ ഗുട്ടെറസ് വ്യക്തമായ മറുപടി നൽകിയില്ല. മറുപടി പറയേണ്ട സ്ഥാനത്ത് അല്ല താനെന്ന് സെക്യൂരിറ്റി കൗൺസിലിൽ മറുപടി നൽകി. ഇതിനിടെ ഖത്തർ അമീറുമായി അമേരിക്കൻ പ്രസിഡന്റ് ടെലിഫോണിൽ സംസാരിച്ചു. സംഘർഷ മേഖലകളിൽ സുരക്ഷ ഉറപ്പുവരുത്തുന്നതിൽ ആശയവിനിമയം നടത്തി. ഖത്തറിൽ 66 മിസൈലുകൾ പതിച്ചെന്ന് ഖത്തർ വാർത്താവിനിമയ മന്ത്രാലയം അറിയിച്ചു.