ചങ്ങരംകുളം ടൗണ്‍ നവീകരണം നിര്‍മ്മാണം അവസാനഘട്ടത്തില്‍ ‘മാര്‍ച്ച് ആദ്യവാരം പൊതുജനങ്ങള്‍ക്ക് തുറന്ന് കൊടുക്കും

ചങ്ങരംകുളം:സംസ്ഥാന സര്‍ക്കാരിന്റെ അഞ്ചര കോടി ചിലവില്‍ പൂര്‍ത്തിയാക്കിയ ടൗണ്‍ ബ്യൂട്ടിഫിക്കേഷന്‍ പദ്ധതിയുടെ നിര്‍മാണ പ്രവൃത്തികള്‍ അവസാനഘട്ടത്തിലാണെന്നും മാര്‍ച്ച് ആദ്യവാരം പൊതുജനങ്ങള്‍ക്ക് തുറന്ന് കൊടുക്കുമെന്നും എംഎല്‍എ പി നന്ദകുമാര്‍ പറഞ്ഞു.പദ്ധതി പ്രദേശം സന്ദര്‍ശിച്ച എംഎല്‍എ ഉദ്ധ്യോഗസ്ഥര്‍ക്കൊപ്പം സ്ഥിതിഗതികള്‍ വിലയിരുത്തി.പുതിയ ബസ്റ്റോപ്പിന്റെയും ടാക്സി സ്റ്റാന്റിന്റെയും ജോലികള്‍ പൂര്‍ത്തിയായി.ഹൈവേ ജംഗ്ഷനിലും ടൗണിലും ട്രൈനേജിന്റെയും നടപ്പാതയുടെയും ജോലികള്‍ തീര്‍ന്നു.ഓട്ടാറിക്ഷകള്‍ പാര്‍ക്ക് ചെയ്യാന്‍ പ്രത്യേക സൗകര്യവും ഹൈവേ ജംഗ്ഷനില്‍ ഒരുക്കി കഴിഞ്ഞു.ഒഴിവ് സമയങ്ങള്‍ മനോഹരമാക്കാന്‍ ചെടികളും ലൈറ്റുകളും വച്ച് മനോഹരമാക്കിയ പാര്‍ക്കും സജ്ജീകരിച്ചിട്ടുണ്ട്.പദ്ധതി ഉദ്ഘാടനം ചെയ്യുന്നതോടെ ചങ്ങരംകുളത്തുകാരുടെ വര്‍ഷങ്ങളായുള്ള സ്വപ്ന പദ്ധതിക്കാണ് സാക്ഷാല്‍കാരമാകുന്നത്