തൃത്താല: ജനകീയ ആരോഗ്യ കൂട്ടായ്മയായ മെക് സെവൻ തൃത്താല ഏരിയയുടെ ആഭിമുഖ്യത്തിൽ വെള്ളിയാങ്കല്ല് പൈതൃക പാർക്കിൽ വെച്ച് ആരോഗ്യ ബോധവൽക്കരണ കൂട്ടായ്മയും ലഹരിവിരുദ്ധ പ്രതിജ്ഞയും സംഘടിപ്പിച്ചു. പരിപാടിയുടെ ഉദ്ഘാടനം വി.ടി. ബൽറാം നിർവ്വഹിച്ചു.പരുതൂർ ഗ്രാമപഞ്ചായത്ത് പ്രസിഡന്റ് അഡ്വ. നിഷ വിജയകുമാർ ചടങ്ങിൽ അധ്യക്ഷത വഹിച്ചു.
പഞ്ചായത്ത് അംഗങ്ങളായ ടി.ആർ. ഷൈജു, ടി.യു. റൈഹാനത്ത്, ജില്ലാ കോഡിനേറ്റർ സൈതലവി മുത്തു, പട്ടാമ്പി എം.ഇ.എസ്. കോളേജ് പ്രിൻസിപ്പൽ ഡോ. അബ്ദു പതിയിൽ, കോ-ഓഡിനേറ്റർമാരായ ടി.കെ. ചേക്കുട്ടി, സിറാജുൽ മുനീർ, അഷ്റഫ് പത്തിൽ, പി.വി. ഉമർ, വി.പി. അബൂബക്കർ, ടി.വി. മമ്മു, ഷൗക്കത്ത്, അൻവർ, അഷ്റഫ് തുടങ്ങിയവർ സംസാരിച്ചു.ചടങ്ങിന്റെ ഭാഗമായി സമൂഹ വ്യായാമവും വി.ടി. ബൽറാമിന്റെ നേതൃത്വത്തിൽ കൂട്ടനടത്തവും നടന്നു. ഇരുനൂറോളം പേർ പരിപാടിയിൽ പങ്കെടുത്തു.
