പൊന്നാനി പുഴമ്പ്രം ദുർഗ്ഗക്ഷേത്ര ഉത്സവം മാർച്ച്‌ 2ന് നടക്കും

പൊന്നാനി : പുഴമ്പ്രം ദുർഗ്ഗക്ഷേത്രത്തിലെ വാർഷിക ഉത്സവം മാർച്ച്‌ 2ന് വിവിധ മതാചാരങ്ങളോടെയും ചടങ്ങുകളോടെയും നടത്തപ്പെടും. ഉത്സവത്തിന് തുടക്കമായി പി.എം. മനോജ് എംബ്രാന്തിരി കൊടിയേറ്റം നിർവഹിച്ചു.ഉത്സവത്തോടനുബന്ധിച്ച് നാട്ടുതാലം എഴുന്നേള്ളിപ്പ്, മഹാഗണപതി ഹോമം, കലശാഭിഷേകം, സർപ്പപൂജ, സർപ്പബലി, വസ്തുബലി, ഭഗവതിസേവ, ചന്ദനം ചാർത്തൽ അലങ്കാരം തുടങ്ങിയ ചടങ്ങുകൾ നടക്കും. കൂടാതെ ശുകപുരം രഞ്ജിത്തിന്റെ നേതൃത്വത്തിലുള്ള മേളം, തായമ്പക എന്നിവയും സംഘടിപ്പിക്കും. ഭക്തർക്കായി പ്രസാദ ഊട്ടും ഒരുക്കിയിട്ടുണ്ടെന്ന് ഭാരവാഹികൾ അറിയിച്ചു.മഠാധിപതി രമണി സ്വാമിനി അമ്മയും മണികണ്ഠൻ ശാന്തിയും ചേർന്നാണ് പരിപാടികളുടെ വിവരങ്ങൾ അറിയിച്ചത്