കോളേജ് ഡേ ആഘോഷിച്ചു; റാപ്പ് ഷോ ആവേശമായി

വെളിയങ്കോട്: എം.ടി.എം കോളേജ് യൂണിയൻ്റെ ആഭിമുഖ്യത്തിൽ കോളേജ് ഡേ ‘ആഘോഷം’ വിപുലമായ പരിപാടികളോടെ സംഘടിപ്പിച്ചു. പ്രത്യേകം സജ്ജമാക്കിയ വർണ്ണാഭമായ വേദിയിൽ നടന്ന വൈവിധ്യമാർന്ന കലാപരിപാടികൾ ക്യാമ്പസിന് ഉത്സവലഹരി പകർന്നു. ഇല്ലം മ്യൂസിക് ബാൻഡ്: വിദ്യാർത്ഥികൾക്കായി വേറിട്ട സംഗീത വിരുന്ന് ഒരുക്കി. പ്രശസ്ത മ്യൂസിക് ബാൻഡായ ഡി എച്ചിന്റെ റാപ്പ് മ്യൂസിക് പെർഫോമൻസ് കാണികളിൽ ആവേശത്തിരയിളക്കി. പ്രിൻസിപ്പൽ അബ്ദുൽകരീം പരിപാടി ഉദ്ഘാടനം ചെയ്തു. ക്യാമ്പസുകളിലെ കലാ സാംസ്കാരിക കൂട്ടായ്മകൾ വിദ്യാർത്ഥികളുടെ സർഗ്ഗവാസനകളെ വളർത്തുന്നതിൽ വലിയ പങ്ക് വഹിക്കു ന്നുണ്ടെന്ന് അദ്ദേഹം അഭിപ്രായപ്പെട്ടു. ചടങ്ങിൽ വൈസ് പ്രിൻസിപ്പൽ രാജേന്ദ്രകുമാർ അധ്യക്ഷത വഹിച്ചു. വിവിധ ഡിപ്പാർട്ടമെന്റ് മേധാവികളായ മായ സി. , സതീഷ് കുമാർ , അശ്വതി, അബ്ദുൽ വാസിഹ്, ദീപ്തി ടി.കെ, മുഹമ്മദ് തസ്‌ലീം (സ്റ്റാഫ് സെക്രട്ടറി) ഷംഹാൻ (യൂണിയൻ ചെയർമാൻ) എന്നിവർ ആശംസകൾ നേർന്നു. പ്രോഗ്രാം കോർഡിനേറ്റർ അബ്ദുൽ ബാസിത് സ്വാഗതവും, യൂണിയൻ അഡ്വൈസർ ആഷിക് എൻ.പി നന്ദിയും പറഞ്ഞു. വിദ്യാർത്ഥികളുടെയും അധ്യാപകരുടെയും സജീവ പങ്കാളിത്തം കൊണ്ട് പരിപാടി ശ്രദ്ധേയമായി.