എടപ്പാള്‍ നരിപറമ്പില്‍ ഉത്സവത്തോടനുബന്ധിച്ച അക്രമം 4 പേർ പിടിയിൽ

എടപ്പാള്‍:നരിപ്പറമ്പിൽ ഉത്സവത്തോടനുബന്ധിച്ച് നടന്ന സംഘര്‍ഷത്തില്‍ 4 പേരെ പൊന്നാനി പോലീസ് അറസ്റ്റ് ചെയ്തു.വരവ് തടസ്സപ്പെടുത്തിയത് സംബന്ധിച്ച തർക്കമാണ് അടിപിടിയിൽ കലാശിച്ചത്.സംഘര്‍ഷത്തിൽ രണ്ട് പേർക്ക് പരിക്കെറ്റിരുന്നു.നരിപ്പറമ്പ് സ്വദേശി മുഫസിൽ(20)തണ്ടലം സ്വദേശി മുഹമ്മദ് നിഹാൽ(22)പോത്തനൂര്‍ സ്വദേശി കേദാർനാഥ്(20)നരിപ്പറമ്പ് സ്വദേശി അല്ലാജ് മൻസൂർ(22)എന്നിവരെയാണ് പൊന്നാനി എസ്‌ഐ ബിബിൻ സിവിയുടെ നേതൃത്വത്തിലുള്ള സംഘം പിടികൂടിയത്.അറസ്റ്റിലായ 4 പ്രതികളെ പൊന്നാനി കോടതിയിൽ ഹാജരാക്കി സബ് ജയിലിലെക്ക് റിമാൻഡ് ചെയ്തു.അക്രമത്തിൽ ഉൾപ്പെട്ട മറ്റു പ്രതികൾക്ക് വേണ്ടി പോലീസ് അന്വേഷണം ഊർജ്ജിതമാക്കി.ഉത്സവ ആഘോഷങ്ങളുമായി ഉണ്ടാകുന്ന തർക്കങ്ങൾ വലിയ അക്രമങ്ങളിലേക്ക് പോകുന്ന സംഭവങ്ങൾ പോലീസ് നിരീക്ഷിച്ചു വരികയാണെന്നും സ്ഥിരമായി പ്രശ്നങ്ങൾ സൃഷ്ടിക്കുന്ന ആഘോഷ വരവുകൾക്ക് വരും വർഷങ്ങളിൽ അനുമതി നൽകില്ല എന്നും വരവുകൾക്ക് ഇടയിൽ കുഴപ്പങ്ങൾ ഉണ്ടാക്കുന്ന ആളുകൾക്ക് എതിരെ കർശന നടപടികൾ സ്വീകരിക്കും എന്നും പൊന്നാനി പോലീസ് ഇൻസ്‌പെക്ടർ അഷ്‌റഫ്‌ എസ് അറിയിച്ചു.