സുഹൃത്തിന് മാത്രമല്ല നേതാവിന്റെ നാക്കിനും ലൈസൻസില്ല, എംവിഡി ഉദ്യോഗസ്ഥരെ ഭീഷണിപ്പെടുത്തി മുസ്ലിം ലീഗ് പഞ്ചായത്ത് സെക്രട്ടറി

മോട്ടോർ വാഹന ഉദ്യോഗസ്ഥരെ ഭീഷണിപ്പെടുത്തി മുസ്ലിം ലീഗ് നേതാവ്. തളിപ്പറമ്പ് കുറുമാത്തൂർ മുസ്ലിംലീഗ് പഞ്ചായത്ത് സെക്രട്ടറി മണ്ണൻ സുബൈറാണ് എംവിഡി ഉദ്യോഗസ്ഥരെ ഭീഷണിപ്പെടുത്തിയത്. ഇയാളുടെ സുഹൃത്ത് ലൈസൻസ് ഇല്ലാതെ വാഹനം ഓടിച്ചതിന് എംവിഡി പിഴ ഈടാക്കിയിരുന്നു. ഇത് ചോദ്യം ചെയ‌്താണ് സുബൈർ എംവിഡി ടെസ്‌റ്റിംഗ് ഗ്രൗണ്ട് ഓഫീസിലെത്തിയത്. ഉദ്യോഗസ്ഥരെ ‘നീ, എടാ’ എന്നുള്ള വാക്കുകൾ കൊണ്ട് അഭിസംബോധന ചെയ്യുകയും ചെയ്തു. ഉദ്യോഗസ്ഥർ സംയമനം പാലിച്ചെങ്കിലും സുബൈർ അപ്പോഴെല്ലാം തട്ടിക്കയറി ഭീഷണിപ്പെടുത്തി. നിരവധി തവണ ഉദ്യോഗസ്ഥരെ പ്രകോപിപ്പിച്ച ഇയാൾ വീഡിയോ എടുക്കുകയായിരുന്ന മാദ്ധ്യമപ്രവർത്തകനോടും കയർത്തു. സംഭവത്തിന്റെ വീഡിയോ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്.