പെരുമ്പിലാവില്‍ ഓടി കൊണ്ടിരിക്കെ ഹോണ്ടായ് ഐ റ്റ്വൻൻ്റി കാറിന് തീപിടിച്ചു.

പെരുമ്പിലാവ്:ഓടി കൊണ്ടിരിക്കെ ഹോണ്ടായ് ഐ റ്റ്വൻൻ്റി കാറിന് തീപിടിച്ചു.പെരുമ്പിലാവ് സെൻററിൽ വ്യാഴാഴ്ച രാത്രി പത്തരയോടെയാണ്
അപകടം നടന്നത്.കാറിൽ നിന്നും പുക ഉയർന്നതിനെ തുടർന്ന് യാത്രക്കാർ കാർ നിർത്തി ഇറങ്ങിയോടിയതിനാൽ കാറിൽ ഉണ്ടായിരുന്ന അഞ്ചു പേരും പരിക്കേൽക്കാതെ
രക്ഷപ്പെട്ടു.സമീപത്തുണ്ടായിരുന്നവർ ഭാഗികമായി തീ അണച്ചു. നാട്ടുകാർ അറിയിച്ചതിനെ തുടർന്ന് കുന്നംകുളത്തു നിന്നും
ഫയർഫോഴ്സ് സ്ഥലത്തെത്തി തീ പൂർണ്ണമായി അണച്ചു.കൊച്ചി എയർപോർട്ടിൽ നിന്നും നിലമ്പൂരിലേക്ക് പോവുകയായിരുന്ന കുടുംബമാണ് കാറിൽ ഉണ്ടായിരുന്നത്.കാറിന്റെ മുൻഭാഗം പൂർണ്ണമായും കത്തി.സീനിയർ ഫയർ ആൻഡ് റെസ്ക്യൂ ഓഫീസർ അൻവർ,ഫയർ ആൻഡ് റെസ്ക്യൂ ഓഫീസർമാരായ രഞ്ജിത്ത്, ജിഷ്ണു , ടോണി, നവാസ്, ശരത്
എന്നിവരുടെ നേതൃത്വത്തിലുള്ള ഫയർഫോഴ്സ് സംഘമാണ് സ്ഥലത്തെത്തിയത്.സംഭവമറിഞ്ഞ് ഹൈവേ പോലീസും കുന്നംകുളം പോലീസും സ്ഥലത്തെത്തിയിരുന്നു