പൊന്നാനി കേന്ദ്രീകരിച്ച് ‘കർമ്മ സൈക്ലിങ് ക്ലബ് ‘ രൂപീകരിച്ചു

മലപ്പുറം, തൃശൂർ, പാലക്കാട് ജില്ലകളിലെ സൈക്ലിസ്റ്റുകളെ ഉൾപ്പെടുത്തിക്കൊണ്ട് പൊന്നാനി കേന്ദ്രീകരിച്ചു കൊണ്ട് ‘കർമ്മ സൈക്ലിങ് ക്ലബ്’ രൂപീകരിച്ചു. വർദ്ധിച്ചു വരുന്ന ജീവിത ശൈലീ രോഗങ്ങൾ തടയാനായി കൃത്യമായ വ്യായാമം ശീലമാക്കുക, യുവാക്കളെ മയക്കു മരുന്ന് ഉപയോഗം, മദ്യപാനം തുടങ്ങിയ ദുശീലങ്ങളിൽ നിന്ന് അകറ്റി നിർത്തുക,സ്കൂ‌ൾ വിദ്യാർത്ഥികൾക്ക് സ്‌കൂൾ കേന്ദ്രീകരിച്ച് ഈ കാലഘട്ടത്തിൽ സൈക്ലിംഗ് നടത്തുന്നതിൻ്റെ പ്രാധാന്യം മനസ്സിലാക്കി കൊടുക്കുന്നതിനു വേണ്ടി ബോധവൽക്കരണ ക്ലാസുകൾ സംഘടിപ്പിക്കുക. എന്നിവയാണ് ക്ലബ്ബിന്റെ ഉദ്ദേശലക്ഷ്യങ്ങൾ എന്ന് ക്ലബ് ഭാരവാഹികളായ, ഷിജിത്ത് ചുങ്കത്ത്, അജ്‌മൽ ഹുസൈൻ, സന്ദേശ് ചേന്നംകുളം, റെജി അഹല്യ, സന്തോഷ് മേനോൻ എന്നിവർ അറിയിച്ചു.