വാര്‍ഡ് വിഭജനം പൂര്‍ത്തിയായി’ആലംകോട് പഞ്ചായത്തില്‍ പുതിയ 2 വാര്‍ഡുകള്‍ കൂടി

ചങ്ങരംകുളം:സംസ്ഥാനത്ത് വാർഡ് വിഭജനം പൂര്‍ത്തിയായതോടെ ആലംകോട് ഗ്രാമ പഞ്ചായത്തിൽ വർദ്ധിക്കുന്നത് പുതിയ 2 വാർഡുകൾ.ഇതോടെ 19 വാര്‍ഡുകള്‍ ഉണ്ടായിരുന്ന പഞ്ചായത്തില്‍ 21 വാര്‍ഡുകള്‍ ആവും.ചങ്ങരംകുളം കേന്ദ്രമായി ചങ്ങരംകുളം ഈസ്റ്റ് വാർഡും,വളയംകുളം, കോക്കൂർ, മനക്കൽ കുന്ന് പ്രദേശങ്ങളെ ഉൾപെടുത്തി വളയംകുളം എന്ന പുതിയ വാർഡുമാണ് പുതുതായി നിലവിൽ വരുന്നത്.ഇതോടെ നിലവിലെ വാർഡുകളുടെ അതിർത്തികളിലും മാറ്റം വരും.പല വാർഡുകളിലും 600 ന് മുകളിൽ വീടുകൾ ഉണ്ടായിരുന്ന സ്ഥാനത്ത് ഇനി പരമാവധി 574 വീടുകളെ ഒരു വാർഡിൽ ഉണ്ടാകൂ.വാർഡ് വിഭജനത്തിന്റെ കരട് ഇന്നലെ രാത്രി സംസ്ഥാന ഡിലിമിറ്റേഷൻ കമ്മീഷൻ പുറത്ത് വിട്ടു.വരുന്ന പഞ്ചായത്ത് തെരഞ്ഞെടുപ്പിൽ പുതുക്കിയ വാർഡ് തിരിച്ചാവും തിരഞ്ഞെടുപ്പ് നടക്കുന്നത്.ഇതോടെ വരാനിരിക്കുന്ന പഞ്ചായത്ത് തിരഞ്ഞെടുപ്പും പ്രദേശത്തെ പ്രധാന രാഷ്ട്രീയ കഷികൾക്ക് നിർണായകമാകും.