വഖഫ് ഭീതി പരത്തുന്നത് കോർപ്പറേറ്റ് താൽപര്യങ്ങൾ സംരക്ഷിക്കാനെന്ന് പികെ ഉസ്മാൻ

പൊന്നാനി :വഖഫ് ഭീതി പരത്തുന്നത് ഹിന്ദുത്വ -കോർപ്പറേറ്റ് താൽപര്യങ്ങൾ സംരക്ഷിക്കാനാണെന്നും രാജ്യത്തെ വഖഫ് സ്വത്തുക്കൾ ഫലപ്രദമായി ഉപയോഗിച്ച് സമൂഹത്തെ ശാക്തീകരിക്കേണ്ടതിന് പകരം വഖഫ് സംവിധാനവും അത് ഉൾകൊള്ളുന്ന സമുദായത്തെയും തകർക്കാനുള്ളതാണ് പുതിയ ഭേദഗതിയെന്നും എസ് ഡി പി ഐ സംസ്ഥാന ജനറൽ സെക്രട്ടറി പികെ ഉസ്മാൻ പറഞ്ഞു.വഖഫ് – മദ്രസ സംവിധാനം തകർക്കുകയെന്ന ആർഎസ്എസ് അജണ്ട നടപ്പിലാക്കുന്ന കേന്ദ്ര സർക്കാർ നിലപാടിനെതിരെ എസ്ഡിപിഐ ദേശ വ്യാപകമായി നടത്തുന്ന വഖഫ് – മദ്രസ സംരക്ഷണ പരിപാടികളുടെ ഭാഗമായിഎസ്‌ഡിപിഐ പൊന്നാനി മണ്ഡലം കമ്മിറ്റിയുടെ നേതൃത്വത്തിൽ പുറങ്ങ് ബീവൂസ് ലോഞ്ചിൽ നടന്ന വഖഫ് -മദ്രസ സംരക്ഷണ സമിതി രൂപീകരണ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.മണ്ഡലം പ്രസിഡന്റ്‌ റാഫി പാലപ്പെട്ടി അദ്ധ്യക്ഷത വഹിച്ചു.മാറഞ്ചേരി പഞ്ചായത്ത് 17ാം വാർഡ് മെമ്പർ നിഷാദ് അബൂബക്കർ ആശംസ നേർന്ന് സംസാരിച്ചു.മണ്ഡലം സെക്രട്ടറി ജാഫർ കക്കിടിപ്പും, മണ്ഡലം ട്രഷറർ ഫസൽ പുറങ്ങ് എന്നിവർ സംസാരിച്ചു. മണ്ഡലം നേതാകളായഷഹീർ തണ്ണിത്തുറ,നസീർ പടിഞ്ഞാറ്റ് മുറി, ഷിഹാബ്,റിഷാബ് എന്നിവർ സംബന്ധിച്ചു.ഉമർ അൽഹസനി ചെയർമാനും ജാഫർ കക്കിടിപ്പുറം കൺവീനറുമായി പതിനൊന്ന് അംഗ വഖഫ്,മദ്രസ സംരക്ഷണ സമിതിക്ക് രൂപം നൽകി.