കൊരട്ടിക്കര: കൊരട്ടിക്കര ഒറ്റപ്പിലാവ് റോഡിലെ പാടത്തിന് സമീപത്തെ തോട്ടിൽ കവറിൽ കെട്ടി അറവുമാലിന്യം തള്ളിയ നിലയിൽ കണ്ടെത്തി. വെള്ളിയാഴ്ച്ച രാവിലെ പ്രദേശവാസികളാണ് പ്ലാസ്റ്റിക് കവറുകളിൽ കെട്ടിയ മാലിന്യം കണ്ടത്.
രാത്രിയുടെ മറവിൽ ആളുകൾ എത്തി പാടത്തിന് സമീപമുള്ള വഴികളിൽ മാലിന്യം നിക്ഷേപിക്കുന്നത് സ്ഥിരമായിരിക്കുകയാണെന്ന് നാട്ടുകാർ ആരോപിക്കുന്നു. ഇതുസംബന്ധിച്ച് നിരവധി തവണ പഞ്ചായത്ത് അധികൃതരെയും ആരോഗ്യ വകുപ്പിനെയും വിവരം അറിയിച്ചെങ്കിലും നടപടിയൊന്നും ഉണ്ടായിട്ടില്ലെന്നും അവർ അറിയിച്ചു.
