റോഡില്‍ അപകടകരമായ കുഴി’ചങ്ങരംകുളം ടൗണില്‍ വാഴവെച്ച് നാട്ടുകാരുടെ പ്രതിഷേധം

ചങ്ങരംകുളം:ചങ്ങരംകുളം ടൗണില്‍ റോഡിലെ കുഴിയില്‍ വാഴവെച്ച് നാട്ടുകാരുടെ പ്രതിഷേധം.മാസങ്ങളായി റോഡ് പൊളിഞ്ഞ് വലിയ കുഴി രൂപപ്പെടുകയും മഴ പെയ്തതോടെ വെള്ളം നിറഞ്ഞുനിൽക്കുന്നതും പതിവായതോടെയാണ് നാട്ടുകാര്‍ റോഡില്‍ വാഴവെച്ചത്.റോഡിലെ അപകടകരമായ കുഴിയില്‍ ഇരുചക്ര വാഹനങ്ങൾ ഉൾപ്പെടെ അപകടത്തിൽ പെടുന്നത് പതിവാണെന്ന് നാട്ടുകാര്‍ പറയുന്നു.ജൽ ജീവന്‍ പദ്ധതിക്കായി പൈപ്പ് ലൈനിന്ന് വേണ്ടി എടുത്ത കുഴികള്‍ പൂര്‍വ്വ സ്ഥിതിയിലാക്കാത്തതാണ് റോഡിന്റെ തകര്‍ച്ചക്ക് കാരണമെന്നും അധികൃതര്‍ ഇക്കാര്യത്തില്‍ മൗനം തുടരുകയാണെന്നും വ്യാപാരികളും പരാതിപ്പെട്ടു. റോഡില്‍ അപകടം പതിവായതോടെയാണ് നാട്ടുകാര്‍ കുഴിയില്‍ വാഴ നട്ട് പ്രതിഷേധം സംഘടിപ്പിച്ചത്