കക്കാട് പുഴയിൽ ചൂണ്ടയിടുന്നതിനിടെ കാൽവഴുതി വീണ 9 വയസ്സുകാരൻ മരിച്ചു. പട്ടറാട്ട് നസീറിന്റെ മകൻ നാഷിദാണ് മരിച്ചത്. വൈകിട്ട് നാലു മണിയോടെയാണ് അപകടം. കക്കാട് പുഴയുടെ കൈവഴിയിൽ സുഹൃത്തിനൊപ്പം ചൂണ്ടയിടാനെത്തിയതായിരുന്നു നാഷിദ്.
ഇതിനിടെ പുഴയിലേക്ക് വീഴുകയായിരുന്നു. സുഹൃത്താണ് വിവരം നാഷിദിന്റെ പിതാവിനെ അറിയിച്ചത്. ഉടൻ തന്നെ അഗ്നിരക്ഷാ സേനയും നാട്ടുകാരും ചേർന്ന് നാഷിദിനെ കണ്ണൂരിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
