വട്ടംകുളം ഐഎച്ച്ആർഡി ടെക്നിക്കൽ ഹയർ സെക്കൻഡറി സ്കൂളിൽ ടെക്ഫെസ്റ്റ് സമാപിച്ചു​

വട്ടംകുളം: വട്ടംകുളം ഐഎച്ച്ആർഡി ടെക്നിക്കൽ ഹയർ സെക്കൻഡറി സ്കൂളിൽ സംഘടിപ്പിച്ച ടെക്ഫെസ്റ്റിന് പ്രൗഢോജ്ജ്വല സമാപനം. സമാപനത്തോടനുബന്ധിച്ച് മലപ്പുറം ജില്ലാതലത്തിൽ ഏഴാം ക്ലാസ് വിദ്യാർത്ഥികൾക്കായി പ്രത്യേക പെയിന്റിംഗ് മത്സരവും ഗണിത ഗെയിമുകളും സംഘടിപ്പിച്ചു.​സമാപന സമ്മേളനവും മത്സര വിജയികൾക്കുള്ള സമ്മാനദാനവും വട്ടംകുളം ഗ്രാമപഞ്ചായത്ത് വൈസ് പ്രസിഡന്റ് എം.എ. നജീബ് ഉദ്ഘാടനം ചെയ്തു. സ്കൂൾ പ്രിൻസിപ്പൽ പി.കെ. സഹാന ചടങ്ങിൽ അധ്യക്ഷത വഹിച്ചു.​സ്റ്റാഫ് സെക്രട്ടറി ഫിറോസ്‌ഖാൻ അണ്ണക്കമ്പാട്, സി. സൈന നാരായണൻ, സത്യൻ കൊലവത്ര, കെ. അനസ് എന്നിവർ ആശംസകൾ അർപ്പിച്ചു സംസാരിച്ചു.