ആലിശ്ശേരി എരയപുരം ശ്രീ സുബ്രഹ്മണ്യ സ്വാമി ക്ഷേത്രത്തിൽ പുതുക്കിപണിയുന്ന ശ്രീകോവിലിന്റെ ശിലാസ്ഥാപനം നടത്തി

തിരൂര്‍: കോഴിക്കോട് സാമൂതിരി രാജ വക വെട്ടം ആലിശ്ശേരി എരയപുരം ശ്രീ സുബ്രഹ്മണ്യ സ്വാമി ക്ഷേത്രത്തിൽ പുതുക്കിപണിയുന്ന ശ്രീകോവിലിന്റെ ശിലാസ്ഥാപന കർമ്മം ക്ഷേത്രം ട്രസ്റ്റി മഹാമഹിമ ശ്രീ സാമൂതിരി രാജ രാമചന്ദ്രവർമ്മ രാജയുടെ പേർസണൽ സെക്രട്ടറി രവീന്ദ്രവർമ്മ രാജ നിർവ്വഹിച്ചു, ക്ഷേത്രം തന്ത്രി ബ്രഹ്മശ്രീ വടക്കേടത്ത് മന ജയൻ നമ്പൂതിരിപ്പാടിന്റെ കാർമികത്വത്തിൽ പ്രത്യേക പൂജകൾക്ക് ശേഷമാണു ശിലാ സ്ഥാപനം നടത്തിയത്.ക്ഷേത്രത്തിന്റെ ദൈനംദിന പ്രവർത്തനങ്ങൾക്ക് സമഗ്ര സംഭാവനകൾ നൽകിയ പ്രായമായ അമ്മമാരെ ചടങ്ങിൽ ആദരിച്ചു. നിർമാണ പ്രവർത്തങ്ങളിലേക്ക് കൂരിക്കാട്ടിൽ രാജ ഗോപാൽ ആദ്യ തുക നൽകി,ചടങ്ങുകൾക്ക് എക്സിക്യൂട്ടീവ് ഓഫിസർ സതീഷ്കുമാർ കെ, എ കെ കൃപാധനൻ, എം പങ്കജാക്ഷൻ, പ്രസൂൺ കെ, അനീശൻ ഇ,വിനയൻ കെ, നിഷ എം,ശങ്കരൻ എം,ശാന്ത പി, രാകേഷ്, ഉത്തമൻ കെ, പ്രേംകുമാർ കെ, മണി വി പി, രഞ്ജീഷ് എന്നിവർ നേതൃത്വം നൽകി,കേരളത്തിൽ നിരവധി ക്ഷേത്രങ്ങൾ നിർമിച്ചിട്ടുള്ള സുദർശൻ ടി പി ആണ് ക്ഷേത്ര നിർമാണം ഏറ്റെടുത്ത് നടത്തുന്നത്.