സംസ്ഥാന പാതയില്‍ കടവല്ലൂർ പാടത്തെ റോഡിലെ വിള്ളൽ അപകട ഭീഷണി ഉയർ ത്തുന്നു

തൃശൂർ കുറ്റിപ്പുറം സംസ്ഥാനപാതയിലെ തൃശൂർ മലപ്പുറം ജില്ലാ അതിർത്തിയായ കടവല്ലൂർ പാടത്തെ റോഡിലെ വിള്ളൽ അപകട ഭീഷണി ഉയർ ത്തുന്നു. റോഡിന് നടുവിലായി പാലത്തിന് മുകളിലാണ് വിള്ളൽ കണ്ടെത്തിയത്.കഴിഞ്ഞ വർഷം ഓഗസ്റ്റ്
മാസത്തിലാണ് റോഡിലെ വിള്ളൽ രൂപപ്പെട്ടത്.ചെറുതായി കണ്ടിരുന്ന വിള്ളൽ കൂടുതൽ സ്ഥലത്തേക്ക് വ്യാപിച്ചതാണ് ആശങ്ക ഉയർത്തുന്നത്.നിലവിൽ ഈ പാലത്തിന് അടിഭാ ഗത്ത് പലയിടങ്ങളിലായി കോൺക്രീറ്റ് അടർന്നു കമ്പികൾ പുറത്ത് വന്ന നിലയിലാണ്.റോഡുകളിലെ വിള്ളലും പാലത്തിൻറെ അടിയിലെ ശോചനീയാവസ്ഥയും
അധികൃതരുടെ ശ്രദ്ധയിൽപ്പെടുത്തിയിരുന്നു . തുടർന്ന് ഉദ്യോഗസ്ഥർ സ്ഥലം സന്ദർശിച്ചിരുന്നുവെങ്കിലും മറ്റു നടപടിയിലേക്ക് ഒന്നും കടന്നിട്ടില്ല.500 മീറ്ററോളം നീളമുള്ള പാടത്തിന് നടുവിലെ പാലത്തിലെ വിള്ളൽ വലിയ ആശങ്ക ഉയർത്തുന്നതായി പ്രദേശവാസികളും യാത്രക്കാരും പറഞ്ഞു.ശക്തമായ മഴ തുടരുന്നതും വെള്ളത്തിൻ്റെ ഒഴുക്ക് ദിനംപ്രതി കൂടി വരുന്നതും വലിയ ആശ ങ്ക ഉയർത്തുന്നണ്ട്.പാലത്തിൻ്റെ ഉറപ്പ് പരിശോധിച്ച് ആവശ്യമെങ്കിൽ പൊളിച്ച് പണിയുന്നതിന് ആവശ്യമായ നടപടികൾ ബന്ധപ്പെട്ട അധികൃതർ നടപടി സ്വീകരിക്കണമെന്നാണ് നാട്ടുകാരുടെ ആവശ്യം