ശബരിമല ∙ ശബരിമല ദർശനം കഴിഞ്ഞ് മടങ്ങിയ തെലങ്കാന സ്വദേശിയായ തീർഥാടക ഷോക്കേറ്റ്‌ മരിച്ചു. ഗോപാൽപേട്ട പാക്കുലം സ്വദേശി ഭാരതാമ്മ (64) ആണ്‌ മരിച്ചത്‌. നീലിമലയ്‌ക്ക്‌ സമീപം വൈകിട്ട് ആറരയോടെ ആയിരുന്നു അപകടം.
കനത്ത മഴയിൽ നീലിമലയ്‌ക്ക്‌ സമീപം വെള്ളം കുടിക്കാനുള്ള ഷെഡിൽ കയറുമ്പോൾ പൊട്ടിക്കിടന്ന വൈദ്യുത കമ്പിയിൽ നിന്ന് ഷോക്കേൽക്കുകയായിരുന്നു. ഉടൻ പമ്പ ഗവ. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പമ്പ ആശുപത്രിയിൽ സൂക്ഷിച്ചിരിക്കുകയാണ്‌
