എംജിഎം പൊന്നാനി മണ്ഡലം റസിഡൻഷ്യൽ ക്യാമ്പ് കാഞ്ഞിരമുക്കിൽ തുടക്കമായി

എരമംഗലം: മുസ്‌ലിം ഗേൾസ് ആൻറ് വിമൻസ് മൂവ്മെൻറ് (എം.ജി.എം) സംസ്ഥാന കമ്മിറ്റിയുടെ നേതൃത്വത്തിൽ “ചേർത്തു നിർത്താം കരുതലോടെ”എന്ന പ്രമേയത്തിൽ വിദ്യാർത്ഥിനികൾക്കായി മണ്ഡലതലങ്ങളിൽ നടന്നു വരുന്ന മോറൽ ഹട്ട് ’25 റസിഡൻഷ്യൽ ക്യാമ്പിൻ്റ ഭാഗമായി പൊന്നാനി മണ്ഡലം റസിഡൻഷ്യൽ ക്യാമ്പ് കാഞ്ഞിരമുക്കിൽ തുടക്കമായി. മൂന്ന് ദിവസം നീണ്ടു നിൽക്കുന്നു ക്യാമ്പ് മാധ്യമപ്രവർത്തകനും ഗ്രന്ഥകാരനുമായ കെ.വി നദീർ ഉദ്ഘാടനം ചെയ്തു.എം.ജി.എം പൊന്നാനി മണ്ഡലം പ്രസിഡന്റ് ആമിറ കാസിം അധ്യക്ഷത വഹിച്ചു.മാറഞ്ചേരി ഗ്രാമപഞ്ചായത്ത് അംഗം റജുല ആലുങ്ങൽ,കെ.എൻ.എം മർക്കസ്സുദഅവ പൊന്നാനി മണ്ഡലം പ്രസിഡൻറ് അബ്ദുല്ലത്തീഫ് മൗലവി കാടഞ്ചേരി, ഡോ: ഹിലാൽ അയിരൂർ,എം.എസ്.എം ജില്ലാ സെക്രട്ടറി ജാസിം പൊന്നാനി,കുവൈത്ത് ഇസ്‌ലാഹി സെന്റർ പ്രതിനിധി യു.പി ആമിർ മാത്തൂർ, എം.ടി അബ്ദുറഹമാൻ മാസ്റ്റർ, ആശംസകൾ അർപ്പിച്ചു സംസാരിച്ചു. വിവിധ വിവിധ സെഷനുകളിലായി വിദ്യാഭ്യാസ – കരിയർ – മോട്ടിവേഷൻ ട്രെയിനർമാരായ ഷാനവാസ് പറവന്നൂർ, സജ്ജാദ് ആലുവ, അബ്ദുൾ ഗഫൂർ സ്വലാഹി, റനീഷ് മാറഞ്ചേരി ആദ്യ ദിന ക്ലാസുകൾക്ക് നേതൃത്വം നൽകി.