വിദ്യാർത്ഥികൾക്കായി ഏക ദിന ശില്പശാല സംഘടിപ്പിച്ചു

ചങ്ങരംകുളം : ചിയ്യാനൂർ കാംസ് ക്ലബ്ബിന്റെ നേതൃത്വത്തിൽ എസ് എസ് എൽ സി, പ്ലസ് ടു വിദ്യാർത്ഥികൾക്കായി ‘പെപ് ടോക് ‘എന്നപേരിൽ ഏകദിന ശില്പശാല സംഘടിപ്പിച്ചു. ചിയ്യാനൂർ എ എൽ പി സ്കൂളിൽ നടന്ന പരിപാടി വാർഡ് മെമ്പർ അബ്ദുൽ മജീദ് ചിയ്യാനൂർ ഉദ്ഘാടനം ചെയ്തു.വിവിധ സെഷനുകളിൽ മാസ്റ്റർ ട്രൈനർ കെ വി അബ്ദുൽ ജലീൽ, കൗൺസിലർ കെ രാജി പ്രമോദ്, ഹുസൈൻ ചിയ്യാനൂർ എന്നിവർ ക്ലാസുകൾക്ക് നേതൃത്വം നൽകി.
ക്യാമ്പിന് നിയാസ് ഉദ്നു പറമ്പ്, നബ്ഹാൻ എം വി,നിയാസ് റസാഖ് കെ,റയീസ് കെ,അഫ്നാസ് ആലംകോട്,സുഹൈൽ പള്ളിക്കര എന്നിവർ നേതൃത്വം നൽകി.
വിവിധപരീക്ഷകളിൽ വിജയിച്ചവർക്ക് ഉപഹാരം നൽകി.