ഉഷ ടീച്ചർക്ക് യാത്രയയപ്പ് സംഗമം

ചങ്ങരംകുളം:ദീര്‍ഘകാലത്തെ സേവനത്തിന് ശേഷം വിരമിക്കുന്ന ഉഷ ടീച്ചര്‍ക്ക് നാട്ടുകാര്‍ നല്‍കുന്ന യാത്രയയപ്പ് ഏപ്രിൽ 27 ന് ഞായറാഴ്ച നടക്കുമെന്ന് സംഘാടകര്‍ വാർത്താ സമ്മേളനത്തിൽ അറിയിച്ചു.35 വർഷത്തിലധികമായിപള്ളിക്കര തെക്ക്മുറി അങ്കണവാടിയിലെ സേവനത്തിന് ശേഷം വിരമിക്കാന്‍ ഒരുങ്ങുന്ന ഉഷ ടീച്ചർക്കാണ് നാട്ടുകാരും പൂര്‍വ്വ വിദ്യാര്‍ത്ഥികളും ചേര്‍ന്ന് യാത്രയയപ്പ് ഒരുക്കുന്നത്.പള്ളിക്കര തെക്ക്മുറി പ്രദേശത്ത് ആദ്യമായി വന്ന അങ്കണവാടിയിലെ ആദ്യ അധ്യാപികയാണ് ഉഷ ടീച്ചർ. അങ്കണവാടി വെൽഫയർ കമ്മിറ്റിയും പൂർവ്വ വിദ്യാർത്ഥികളും നാട്ടുകാരും ചേർന്നാണ് ങ്ങളുടെ പ്രിയ ടീച്ചര്‍ക്കായി യാത്രയയപ്പ് സംഗമം ഒരുക്കുന്നത്.വൈകിയിട്ട് 7ന് നടക്കുന്ന സംഗമം ജില്ലാ പഞ്ചായത്ത് അംഗം ആരിഫ നാസർ ഉദ്ഘാടനം ചെയ്യും.സ്വാഗത സംഘം ചെയർമാൻ സാദിഖ് നെച്ചിക്കൽ അദ്ധ്യക്ഷത വഹിക്കും.കെ.വി മുഹമ്മദ് ഫാറൂഖി ടീച്ചറെ പരിചയപ്പെടുത്തും.ജന പ്രതിനിധികളായ ഒ.പി പ്രവീൺ,മുസ്തഫ ചാലു പറമ്പിൽ, ജമീല മനാഫ്, റഈസ അനീസ് , മഹല്ല് പ്രസിഡൻ്റ് എൻ.കെ മുഹമ്മദ് ,ക്ഷേത്ര കമ്മിറ്റി പ്രസിഡൻ്റ് ടി.കെ സുബ്രമുണ്യൻ, ഡോ.മോഹനകൃഷണൻ തുടങ്ങിയവർ സംബന്ധിക്കും.അങ്കണവാടി കുട്ടികളുടേയും,പൂർവ്വ വിദ്യാർത്ഥികളുടേയും വിവിധ കലാപരിപാടികളും തുടർന്ന് തൃശൂർ കെജെഎഫ് ഒരുക്കുന്ന സംഗീത വിരുന്നും നടക്കുമെന്ന് സംഘാടകര്‍ അറിയിച്ചു.സംഘാടകരായ സാദിഖ് നെച്ചിക്കൽ,നാരായണൻ നമ്പൂതിരി ,കെ.വി മുഹമ്മദ് ഫാറൂഖി,കെ.കെ ദാവൂദ്, ഹൈദറലി കാട്ടിൽ, കെ.വി ഇർഷാദ്, ബിജിനി മണികണ്ഠൻ, ശ്രീജ പ്രമോദ് തുടങ്ങിയവര്‍ വാർത്താ സമ്മേളനത്തിൽ പങ്കെടുത്തു