എറവറാംകുന്ന് -കോട്ടേകുന്ന് 27 നമ്പർ അംഗണവാടി കെട്ടിടം എം.പി അബ്ദു സമദ് സമദാനി എം.പി ഉദ്ഘാടനം ചെയ്തു

ചങ്ങരംകുളം:ഇ ടി മുഹമ്മദ് ബഷിർ എംപിയുടെ ഫണ്ടിൽ നിന്നും 15 ലക്ഷത്തോളം രൂപ ചെലവഴിച്ചു നിർമ്മിച്ച എറവറാംകുന്ന് -കോട്ടേകുന്ന് 27 നമ്പർ അംഗണവാടി കെട്ടിടം എം.പി അബ്ദു സമദ് സമദാനി എം.പി ഉദ്ഘാടനം ചെയ്തു.വർഷങ്ങളോളം വാടക കെട്ടിടത്തിൽ പ്രവർത്തിച്ച അങ്കണവാടിക്ക് ഇതോടെ സ്വന്തമായ കെട്ടിടം യാഥാർത്ഥ്യമായിരിക്കുന്നു. ആലങ്കോട് ഗ്രാമപഞ്ചായത്ത് പ്രസിഡന്റ് കെ.വി ഷഹീർ അധ്യക്ഷത വഹിച്ചു.14 വാർഡ് മെമ്പർ ആസിയ ഇബ്രാഹിം സ്വാഗതം നിർവഹിച്ചു.വൈസ് പ്രസിഡണ്ട് പ്രഭിത,ക്ഷേമകാര്യ ചെയർപേഴ്സൺ ഷഹന നാസർ,സുലൈഖ സി, ഡി പി ഒ,സുലൈഖ ബാനു ,അങ്കണവാടി വെൽഫെയർ കമ്മിറ്റി പ്രസിഡന്റ്‌ അബ്ദുള്ളകുട്ടി എൻ, മോഹനൻ കെ എ തുടങ്ങിയവർ സംസാരിച്ചു.അങ്കണവാടി ടീച്ചറായി 30 വർഷത്തെ സേവനം പൂർത്തീകരിച്ച ശകുന്തള ടീച്ചറെ എറവറാംകുന്ന് സാംസ്കാരിക വേദി വായനശാലയുടെ ഉപഹാരം എംപി അബ്ദുസമദ് സമദാനി നൽകി.