എരുമപ്പെട്ടി പാഴിയോട്ടുമുറിയിൽ പെട്ടിഓട്ടോറിക്ഷയിടിച്ച് കാൽ നടയാത്രക്കാരന് ദാരുണാന്ത്യം

എരുമപ്പെട്ടി: പാഴിയോട്ടുമുറിയിൽ പെട്ടിഓട്ടോറിക്ഷയിടിച്ച് കാൽ നടയാത്രക്കാരന് ദാരുണാന്ത്യം. പാഴിയോട്ടുമുറി സ്വദേശി കുളങ്ങര വീട്ടിൽ ഡേവിസ് (46) ആണ് മരിച്ചത്. ഇന്ന് രാവിലെ 9.30 യോടെ പാഴിയോട്ടു മുറി സെന്ററിൽ വെച്ചാണ്അ പകടമുണ്ടായത്. റോഡരുകിലൂടെ നടന്ന് പോകുകയായിരുന്ന ഡേവിസിനെ പുറകിലൂടെ വന്ന പെട്ടിഓട്ടോറിക്ഷ ഇടിക്കുകയായിരുന്നു. ഗുരുതരമായി പരിക്കേറ്റ ഡേവിസിനെ എരുമപ്പെട്ടി ആക്ട്സ് പ്രവർത്തകർ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വീട്ടിലേയ്ക്ക് നടന്നു പോകുകയായിരുന്ന ഡേവിസിനെ ടാങ്കിൽ വെള്ളം കയറ്റി വരികയായിരുന്ന പെട്ടി ഓട്ടോറിക്ഷയാണ് ഇടിച്ചത്.