കേരള നദ് വത്തുൽ മുജാഹിദീൻ ഏകദിന ഹജ്ജ് പഠന ക്യാമ്പ് ഏപ്രില്‍ 12ന് ചങ്ങരംകുളത്ത് നടക്കും

ചങ്ങരംകുളം:കേരള നദ് വത്തുൽ മുജാഹിദീൻ മലപ്പുറം ജില്ലാ കമ്മിറ്റിയുടെ നേതൃത്വത്തിൽ ഈ വർഷം പരിശുദ്ധ ഹജ്ജിനു പുറപ്പെടുന്ന ഹാജിമാർക്കായി ഏകദിന പഠന ക്യാമ്പ് സംഘടിപ്പിക്കുന്നു .ഏപ്രിൽ 12ന് ശനിയാഴ്ച കാലത്ത്
9 മണി മുതൽ വൈകുന്നേരം 5 മണി വരെ സംഘടിപ്പിക്കുന്ന ക്യാമ്പ് കുറുക്കോളി മൊയ്തീൻ എംഎൽഎ ഉദ്ഘാടനം ചെയ്യും.സംസ്ഥാന ഹജ്ജ് കമ്മിറ്റി മെമ്പർ
നൂർ മുഹമ്മദ് നൂർഷ,കെ അഹമ്മദ് അനസ് മൗലവി ,ആയിഷ ചെറുമുക്ക് എന്നിവർ ക്ലാസുകൾക്ക് നേതൃത്വം നൽകും .പരിശുദ്ധ ഹജ്ജ് വേളയിൽ വിവിധ പ്രദേശങ്ങളിൽ ചെയ്തുതീർക്കേണ്ട കർമ്മങ്ങളെ സംബന്ധിച്ച് പ്രതിപാദിക്കുന്നവ ക്യാമ്പിൽ ചർച്ച ചെയ്യപ്പെടും.ഹജ്ജ് കമ്മിറ്റി വഴി തെരഞ്ഞെടുക്കപ്പെട്ട ഹാജിമാർക്ക് പുറമേ സ്വകാര്യ ഹജ്ജ് ഗ്രൂപ്പുകളിൽ യാത്രയ്ക് ഉദ്ദേശിക്കുന്ന ഹാജിമാർക്കും ക്യാമ്പിൽ പ്രവേശനം ഉണ്ടായിരിക്കുമെന്ന് ഭാരവാഹികൾ അറിയിച്ചു .ക്യാമ്പിന്റെ സുഖമമായ നടത്തിപ്പിനു വേണ്ടി രൂപീകരിച്ച സ്വാഗതസംഘം യോഗം കെഎന്‍എം ജില്ലാ സെക്രട്ടറി
എൻ കുഞ്ഞിപ്പ മാസ്റ്റർ ഉദ്ഘാടനം ചെയ്തു.വി. മുഹമ്മദ് ഉണ്ണി ഹാജി അധ്യക്ഷത വഹിച്ചു.പി പിഎം അഷ്റഫ് കുഞ്ഞുമുഹമ്മദ് പന്താവൂർ ,കെ ഹമീദ് മാസ്റ്റർ , എ. മുഹമ്മദ് മാറഞ്ചേരി,പി.ഐ മുജീബ് റഹ്മാൻ ,കെ വി മുഹമ്മദ് മൗലവി
എൻ .ആലിക്കുട്ടി ഹാജി ,മജീദ് മൗലവി മണ്ണാറപറമ്പ് , സൈനു നെച്ചിക്കൽ,എൻ. ഹമീദ് എന്നിവർ പ്രസംഗിച്ചു