ഇതുവരെ ചെയ്തില്ലേ,​ മാർച്ച് 31 വരെ അവസരം; സുവ‌ർണാവസരം പ്രയോജനപ്പെടുത്തണമെന്ന് എം വി ഡി

നികുതി കുടിശിക ഒറ്റത്തവണ നികുതി തീർപ്പാക്കൽ പദ്ധതി വഴി അടച്ചു തീർക്കാനുള്ള അവസരവുമായി മോട്ടോർ വാഹനവകുപ്പ്. നിങ്ങളുടെ പഴയ വാഹനത്തിന്മേലുള്ള നികുതി കുടിശിക തീർക്കാൻ മാർച്ച് 31 വരെ അവസരമുണ്ടെന്ന് മോട്ടോർ വാഹനവകുപ്പ് അറിയിച്ചു. 2020 മാർച്ച് 31ന് ശേഷം ടാക്സ് അടയ്ക്കാൻ കഴിയാത്ത വാഹനങ്ങൾക്ക് ഈ സേവനം ഉപയോഗപ്പെടുത്താം. വാഹനം ഉപയോഗ ശൂന്യമാകുകയോ വിറ്റുപോയെങ്കിലും നിങ്ങളിൽ നിന്നും ഉടമസ്ഥത മാറാതിരിക്കുകയോ വാഹനത്തെക്കുറിച്ച് യാതൊരു വിവരവും ഇല്ലാതിരിക്കുകയോ ആണെങ്കിൽ അവയുടെ നികുതി കുടിശിക ചുരുങ്ങിയ നിരക്കിൽ ഒറ്റത്തവണ പദ്ധതിയിലൂടെ അടച്ച് എന്നെന്നേക്കുമായി ബാദ്ധ്യത അവസാനിപ്പിക്കാമെന്ന് എം.വി.ഡി അറിയിച്ചു. ഒറ്റത്തവണ നികുതി കുടിശിക തീർപ്പാക്കൽ പദ്ധതിയുടെ കാലാവധി മാർച്ച് 31ന് അവസാനിക്കുമെന്നും മോട്ടോർ വാഹനവകുപ്പ് ഓർമ്മപ്പെടുത്തി. കൂടുതൽ വിവരങ്ങൾക്ക് നിങ്ങളുടെ ആ‍ർ.ടി ഓഫീസുമായി ബന്ധപ്പെടണമെന്നും എം.വി.ഡി അറിയിച്ചു.