പൊന്നാനിയിൽ കാറും ബൈക്കും തമ്മിൽ കൂട്ടിയിടിച്ച് അപകടം; യുവാവിന് ദാരുണാന്ത്യം, സുഹൃത്തുക്കൾക്ക് പരിക്ക്

പൊന്നാനിയിൽ കാറും ബൈക്കും തമ്മിൽ കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു.കൂടെ സഞ്ചരിച്ച സുഹൃത്തുക്കൾക്ക് പരിക്കേറ്റു.പൊന്നാനി നരിപ്പറമ്പ് അതളൂർ സ്വദേശി 34 വയസുള്ള ഈനാംപറമ്പിൽ ഇസ്മായിൽ ആണ് മരിച്ചത്.പൊന്നാനി കുറ്റിപ്പുറം ബൈപ്പാസിൽ നരിപ്പറമ്പിന് സമീപത്താണ് കാറും ബൈക്കും തമ്മിൽ കൂട്ടിയിടിച്ചത്‌.അപകടത്തിൽ പരിക്കേറ്റ അതളൂർ സ്വദേശികളായ ചെറുവളപ്പിൽ ശരീഫ്,തെക്കേപറമ്പിൽ സമദ് എന്നിവരെ എടപ്പാളിലെ സ്വകാര്യ ആശുപത്രിയിൽ പ്രവേശിപ്പിച്ചു.ഇസ്മായിലിൻ്റെ മൃതദേഹം പൊന്നാനി താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.നടപടിക്രമങ്ങള്‍ പൂര്‍ത്തിയാക്കി പോസ്റ്റുമോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ട് നല്‍കും