വികസന സെമിനാറും കേരളോത്സവ വിജയികൾക്കുള്ള ട്രോഫി വിതരണവും നടന്നു

വെളിയങ്കോട് ഗ്രാമപഞ്ചായത്ത് 2025-26 വാർഷിക പദ്ധതിയുമായി ബന്ധപ്പെട്ട വികസന സെമിനാറും കേരളോത്സവ വിജയി കൾക്കുള്ള ട്രോഫി വിതരണവും ഗ്രാമ പഞ്ചായത്ത് പ്രസിഡൻ്റ് കല്ലാട്ടേൽ ഷംസു ഉദ്ഘാടനം ചെയ്തു.ലൈഫ് ഭവന പദ്ധതി,ഉത്പാദന , സേവന മേഖലക്ക് പ്രാധാന്യം നല്കിയും , മറ്റ് മേഖലക്ക് മതിയായ ഫണ്ട് വകയിരുത്തി കൊണ്ടുള്ള പദ്ധതികൾക്കാണ് രൂപം നല്കിയിരിക്കുന്നത്.എരമംഗലം മാട്ടേരി ഓഡിറ്റോറിയത്തിൽ നടന്ന സെമിനാറിൽ വികസന സ്റ്റാന്റിംഗ് കമ്മിറ്റി ചെയർമാൻ മജീദ് പാടിയോടത്ത് അധ്യക്ഷത വഹിച്ചു .സെക്രട്ടറി മനോജ്കുമാർ കരട് വികസന റിപ്പോർട്ട് അവതരിപ്പിച്ചു. ക്ഷേമകാര്യസ്റ്റാൻ്റിങ് കമ്മിറ്റി ചെയർപേഴ്‌സൺ റംസീ റമീസ് , ഗ്രാമ പഞ്ചായത്ത് മെമ്പർ ഹുസൈൻ പാടത്തക്കായിൽ,ആസൂത്രണ സമിതി ഉപാധ്യക്ഷൻ കെ.കെ ബീരാൻ കുട്ടി, കില ഫാക്കൽറ്റി പ്രകാശൻ ,പ്ലാൻ ക്ലാർക്ക് സ്നേഹലത തുടങ്ങിയവർ സംസാരിച്ചു.നിർവഹണ ഉദ്യോഗസ്ഥർ ,വർക്കിംഗ് ഗ്രൂപ്പ് അംഗങ്ങൾ,കുടുംബശ്രീ ,ആശാ അങ്കണവാടി പ്രവർത്തകർ തുടങ്ങിയവർ പങ്കെടുത്തു .ആരോഗ്യ-വിദ്യാഭ്യാസ സ്റ്റാൻ്റിങ്ങ് കമ്മിറ്റി ചെയർമാൻ സെയ്ത് പുഴക്കര സ്വാഗതവും ആസൂത്രണ സമിതി അംഗം കെ .എം അനന്തകൃഷ്ണൻ മാസ്റ്റർ നന്ദിയും പറഞ്ഞു.തുടർന്ന് കേരളോത്സവ വിജയികൾക്ക് ട്രോഫി വിതരണം നടന്നു .