ഹമീദ് ചങ്ങരംകുളത്തിന്റെ കഥാസമാഹാരം പ്രകാശനം ചെയ്തു

ചങ്ങരംകുളം പള്ളിക്കര സ്വദേശിയും പ്രവാസിയുമായ ഹമീദ് ചങ്ങരംകുളം രചിച്ച ഇപ്പിനു എന്ന കഥാ സമാഹാരം മൂക്കുതല ഗവ.ഹൈസ്കൂളിലെ ഹമീദിന്റെ അധ്യാപികയായിരുന്ന സി എം ബാലാമണി ടീച്ചർ കഥാകൃത്ത് സോമൻ ചെമ്പ്രേത്തിന് പുസ്തകം നൽകിപ്രകാശനം നിർവ്വഹിച്ചു. ഗൾഫ് മാധ്യമ പ്രവർത്തകനും എഴുത്തുകാരനുമായ ഇസ്മയിൽ മേലടി പ്രകാശനച്ചടങ്ങ് ഉദ്ഘാടനം ചെയ്തു.സാംസ്കാരിക സമിതി ഗ്രന്ഥശാലയിൽ വെച്ച് നടന്ന ചടങ്ങിൽ സെക്രട്ടറി പന്താവൂർ കൃഷ്ണൻ നമ്പൂതിരി സ്വാഗതം പറഞ്ഞു.പ്രസിഡണ്ട് പി കെ രാജൻ അദ്ധ്യക്ഷനായി.കെവി ശശീന്ദ്രൻ പുസ്തക പരിചയം നിർവ്വഹിച്ചു. എം എം ബഷീർ പി എസ് മനോഹരൻ കെ രാജചന്ദ്രൻ ഫൈസൽ ബാവ മൈക്രൊ റഷീദ് അഡ്വ.വി ശശികുമാർ ഷബ്ന സിവി എന്നിവർ ആശംസകൾ അറിയിച്ചു.കഥാകാരൻ ഹമീദ് ചങ്ങരംകുളം മറുമൊഴി പറഞ്ഞു.കെ പി തുളസി നന്ദിപ്രകാശിപ്പിച്ചു.