ചാലിശ്ശേരി പഞ്ചായത്തിലെ കരുണ പാടശേഖരസമിതിയുടെയും അന്നപൂർണ്ണ പാടശേഖര സമിതിയുടെയും സംയുക്ത ആഭിമുഖ്യത്തിൽ പന്നിവേട്ട നടത്തി.ഒന്നാം വാർഡിൽ നടത്തിയ പന്നി വേട്ടയിൽ 6 പന്നികളെയാണ് വെടിവെച്ച് കൊന്നത്.അലി നെല്ലേങ്ങര,ബി.ജെ.തോമസ്, ദേവകുമാർ വരിക്കത്ത്, ചന്ദ്രൻ വരിക്കത്ത് കെ.പി.ഷാൻ എന്നിവരാണ് പന്നിവേട്ട നടത്തിയത്.വാർഡ് മെമ്പർ ഷഹന അലി, അന്നപൂർണ്ണ പാടശേഖര സമിതി പ്രസിഡന്റ് ഇ.സി.മുരളീധരൻ, അംഗം അലി കുന്നത്ത്, കരുണ പാടശേഖര സമിതി പ്രസിഡന്റ് എം.എം.അബ്ദുൾ ജലീൽ, അംഗങ്ങളായ കെ.ടി.ഉമ്മർ, കെ.പി.അബ്ദുൾസലാം എന്നിവരും നാട്ടുകാരും പങ്കെടുത്തു.
മാസങ്ങളായി പന്നികളുടെ ശല്ല്യം വളരെയധികം വർദ്ധിച്ചതിനാൽ പച്ചക്കറികൾ,നെല്ല് കിഴങ്ങ് വർഗ്ഗങ്ങൾ തുടങ്ങി യാതൊരു വിധ കൃഷികളും നടത്താൻ സാധിക്കാത്ത സാഹചര്യം ആയിരുന്നുവെന്ന് വാർഡ് മെമ്പർ ഷഹന അലി പറഞ്ഞു.
