വയനാട് കമ്പമല കത്തുന്നു, ഒരു ഭാഗം കത്തിയമർന്നു; കാട്ടുതീ പരിസരപ്രദേശങ്ങളിലേക്ക് പടരുന്നു

വയനാട് മാനന്തവാടി പിലാക്കാവ് കമ്പമലയിൽ കാട്ടുതീ പടർന്നു. മലയുടെ ഒരു ഭാഗം കത്തിയമർന്നു. തീ പരിസരപ്രദേശങ്ങളിലേക്ക് വ്യാപിക്കുന്നതായി റിപ്പോർട്ട്. മലയുടെ ഒരുഭാ​ഗം കത്തിനശിച്ചു. വനംവകുപ്പ് സ്ഥലത്തെത്തി, തീയണയ്ക്കാനുളള ശ്രമം ആരംഭിച്ചു. ഒരു മലയിൽ നിന്നും മറ്റൊരു മലയിലേക്ക് തീ വ്യാപിക്കുന്നതായി റിപ്പോർട്ട്. കാട്ടുതീ പടർന്ന സ്ഥലങ്ങൾക്ക് സമീപം ജനവാസ മേഖലയാണ്. കൂടുതലും തേയില തോട്ടങ്ങളാണ്.ചൂട് കൂടിയതിനാലാണ് തീ വ്യാപിക്കുന്നതെന്നും ഒരു മലയിൽ നിന്ന് മറ്റൊരു മലയിലേക്ക് തീ പടരുകയാണ്. അടുത്തതൊന്നും നിൽക്കാൻ പറ്റാത്ത സാഹചര്യമാണെന്നും പ്രദേശവാസി പ്രതികരിച്ചതായി റിപ്പോർട്ട്