പകുതി വിലയില്‍ സ്കൂട്ടര്‍’ജില്ലയില്‍ തട്ടിപ്പിന് ഇരയായവരില്‍ മാറഞ്ചേരി സ്വദേശികളും

ചങ്ങരംകുളം:പകുതി വിലയില്‍ ഇലക്ട്രിക് സ്കൂട്ടര്‍ വാഗ്ദാനം ചെയ്ത് നടന്ന തട്ടിപ്പില്‍ ജില്ലയില്‍ നിന്ന് നിരവധി പേര്‍ കുടുങ്ങിയതായി സൂചന.ചങ്ങരംകുളം സ്റ്റേഷന്‍ പരിധിയില്‍ എടപ്പാളില്‍ പ്രവര്‍ത്തിക്കുന്ന ഏന്‍സി വഴി നിരവധി പേര്‍ തട്ടിപ്പില്‍ കുടുങ്ങിയതായി സംശയമുണ്ട്.നിലവില്‍ ആരും പരാതിയുമായി സമീപിച്ചിട്ടില്ലെന്നാണ് ഉദ്ധ്യോഗസ്ഥര്‍ നല്‍കുന്ന വിവരം.പെരുമ്പടപ്പ് സ്റ്റേഷന്‍ പരിധിയില്‍ മാറഞ്ചേരിയില്‍ പ്രവര്‍ത്തിക്കുന്ന ഹരിയാലി ഫൗണ്ടേഷന്‍ മുഖേന സ്കൂട്ടര്‍ വാങ്ങുന്നതിന് പണം നല്‍കി നിരവധി പേര്‍ തട്ടിപ്പിന് ഇരയായിട്ടുണ്ട്.മാറഞ്ചേരി കാഞ്ഞിരമുക്ക് സ്വദേശികളായ മൂന്ന് പേര്‍ ഇതിനോടകം പെരുമ്പടപ്പ് സ്റ്റേഷനില്‍ പരാതിയുമായി എത്തിയിട്ടുണ്ട്.പൊന്നാനി ഭാഗങ്ങളിലും തട്ടിപ്പിന് ഇരയായവര്‍ ഉണ്ടെന്നാണ് വിവരം.വരും ദിവസങ്ങളില്‍ കൂടുതല്‍ പേര്‍ പരാതികളുമായി എത്തുമെന്നാണ് നിഗമനം.തട്ടിപ്പിന് ഇരയായവര്‍ക്ക് മുമ്പ് ലാപ്ടോപ്പ് ടൈലര്‍ മിഷിന്‍ പോലുള്ളവ സാധനങ്ങള്‍ പകുതി വിലക്ക് ലഭിച്ചതായും ഇത് വിശ്വസിച്ചാണ് പലരും തട്ടിപ്പിന് ഇരയായതെന്നും വിവരങ്ങളുണ്ട്