വെളിയങ്കോട് പഞ്ചായത്ത് യു ഡി എഫ് കമ്മിറ്റിയുടെ നേതൃത്വത്തിൽ നടന്ന പഞ്ചായത്ത് തല നേത്യ സംഗമവും ,വികസന സദസ്സും നടത്തി

പൊന്നാനി നിയോജക മണ്ഡലം യു ഡി എഫ് കമ്മിറ്റിയുടെ ആഭിമുഖ്യത്തിൽ നടത്തപ്പെടുന്ന വികസന സദസ്സിന് തുടക്കമായി.വെളിയങ്കോട് പഞ്ചായത്ത് യു ഡി എഫ് കമ്മിറ്റിയുടെ നേതൃത്വത്തിൽ നടന്ന പഞ്ചായത്ത് തല നേത്യ സംഗമവും ,വികസന സദസ്സും കെ.പി. നൗഷാദ് അലി എം എൽ എ ഉദ്ഘാടനം ചെയ്തു.വികസന പദ്ധതികളെ സംബന്ധിച്ച് എം എൽ എ യോഗത്തിൽ വിശദീകരിച്ചു . കടൽ ഭിത്തി നിർമാണം , തീരദേശ വികസനം, വിദ്യാഭ്യാസ, ആരോഗ്യ മേഖലയിലെ വികസന പദ്ധതികൾ ,വെളിയക്കോട് ലോക്ക് കം ബ്രിഡ്ജ് റോഡ് നിർമ്മാണം , കാർഷിക- കോൾ മേഖലകളിലെ വികസനം , മാട്ടുമ്മൽ ടൂറിസം , ഗ്രാമീണ റോഡുകളുടെ അഭിവ്യദ്ധി കോൾ നില ടൂറിസം പദ്ധതികൾ ഉൾപ്പെടെ മുൻഗണാടിസ്ഥാനത്തിൽ പൂർത്തിയാക്കുമെന്നും പൊന്നാനിയുടെ സമഗ്ര വികസന ലക്ഷ്യമാക്കിയുള്ള
പ്രവർത്തനങ്ങൾ എല്ലാവരുടെയും പിന്തുണയോടെ നടപ്പിലാക്കുമെന്നും അദ്ദേഹം കൂട്ടിച്ചേർത്തു.എരമംഗലം കിളിയിൽ പ്ലാസയിൽ ചേർന്ന ചടങ്ങിൽ യു ഡി എഫ് പഞ്ചായത്ത് ചെയർമാൻ കെ.കെ. ബീരാൻകുട്ടി അധ്യക്ഷത വഹിച്ചു . നിയോജക മണ്ഡലം യുഡിഎഫ് കൺവീനർ കല്ലാട്ടേൽ ഷംസു ആമുഖ പ്രസംഗം നടത്തി നിയോജക മണ്ഡലം യുഡിഎഫ് ചെയർമാൻ പി .പി .യൂസഫലി ബ്ലോക്ക് പഞ്ചായത്ത് പ്രസിഡൻ്റ് റമീന ഇസ്മയിൽ , കെ. എം അനന്തകൃഷ്ണൻ , ഷമീർ ഇടിയാട്ടേൽ , സുരേഷ് പാട്ടത്തിൽ , ടി .എ മജീദ് ,പാടിയോടത്ത് മജീദ് , കെ.പി. കമറുദ്ധീൻ തുടങ്ങിയവർ സംസാരിച്ചു.യുഡിഎഫ് പഞ്ചായത്ത് കൺവീനർ സി. കെ . പ്രഭാകരൻ സ്വാഗതവും , ടി.പി മുഹമ്മദ് നന്ദിയും പറഞ്ഞു .