മാറഞ്ചേരി ടൗൺ ജുമാ മസ്ജിദ് കാന്തപുരം എ പി അബൂബക്കർ മുസ്‌ലിയാർ ഉദ്ഘാടനം ചെയ്തു

മാറഞ്ചേരി: നവീകരിച്ച മാറഞ്ചേരി ടൗൺ ജുമാമസ്‌ജിദി (മസ്‌ജിദുൽ അക്‌ബർ) ൻ്റെയും സൗഹാർദ്ദ സമ്മേളനത്തിൻ്റെയും ഉദ്ഘാടനം ഇന്ത്യൻ ഗ്രാൻ്റ് മുഫ്തി കാന്തപുരം എ പി അബൂബക്കർ മുസ്‌ലിയാർ നിർവഹിച്ചു. മാനവിക സേവനത്തിൻ്റേയും സാഹോദര്യത്തിൻ്റേയും സാംസ്കാരിക കേന്ദ്രങ്ങളാണ് പള്ളികളെന്നും വിനയവും ധാർമ്മിക മൂല്യങ്ങളും ആർജിച്ചെടുക്കാൻ മസ്ജിദുകളെ വിനിയോഗിക്കണമെന്നും അദ്ദേഹം ഉദ്ബോധിപ്പിച്ചു.സമസ്ത പൊന്നാനി താലൂക്ക് ജനറൽ സെക്രട്ടറി സയ്യിദ് സീതിക്കോയ തങ്ങൾ പ്രാർഥന നടത്തി.മഹല്ല് ഖത്തീബും സ്വാഗത സംഘം ചെയർമാനുമായ കെ.എം യൂസുഫ് ബാഖവി അധ്യക്ഷത വഹിച്ചു. മുൻ എം പി. സി ഹരിദാസ്, കേരള മുസ്‌ലിം ജമാഅത്ത് മലപ്പുറം ജില്ലാ പ്രസിഡൻ്റ് കൂറ്റാമ്പാറ അബ്ദുർറഹ്‌മാൻ ദാരിമി, ജില്ല പഞ്ചായത്ത് അംഗം എ കെ സുബൈർ,വെളിയങ്കോട് ഗ്രാമപഞ്ചായത്ത് പ്രസിഡൻ്റ് ഷംസു കല്ലാട്ടേൽ, പി ടി അജയ് മോഹനൻ, മുഹമ്മദ് അബൂബക്കർ സഖാഫി പന്നൂർ, ഡോ. എം എൻ മുസ്തഫ, കെ പി മാധവൻ, ഫൈസൽ ടി സി എം, ഡോ. മുഹമ്മദ് ബിൻ അഹമ്മദ് എന്നിവർ സംസാരിച്ചു.മഹല്ല് പ്രസിഡൻ്റ് പി എം എം അഷറഫ്, പി എം അബ്ദുൽ ഗഫൂർ,അബ്ദുറസാഖ് ഫൈസി മാണൂർ,സിദ്ധീഖ് മൗലവി അയിലക്കാട്, ഖാസിം കോയ പൊന്നാനി തുടങ്ങിയവർ സംബന്ധിച്ചു.സ്വാഗത സംഘം കൺവീനർ യൂസുഫ് മാസ്റ്റർ സ്വാഗതവും മഹല്ല് സെക്രട്ടറി അബ്ദുൽ ഹകീം തറയിൽ നന്ദിയും പറഞ്ഞു.