ചങ്ങരംകുളത്ത് വീട്ടുമുറ്റത്തേക്ക് തോട്ടയെറിഞ്ഞ് ഭീതി പരത്തിയ സംഭവം പോലീസ് അന്വേഷണം തുടങ്ങി

ചങ്ങരംകുളം:വീട്ടുമുറ്റത്തേക്ക് തോട്ടയെറിഞ്ഞ് ഭീതി പരത്തിയ സംഭവത്തില്‍ പോലീസ് അന്വേഷണം തുടങ്ങി.വ്യാഴാഴ്ച രാത്രി 10 മണിയോടെ യാണ്ചങ്ങരംകുളം സ്റ്റേഷന്‍ പരിധിയിലെ ചിയ്യാനൂരിലും പെരുമുക്കിലുമായി രണ്ട് വീടുകളുടെ മുറ്റത്ത് രണ്ട് പേരടങ്ങുന്ന സംഘം സ്ഫോടക വസ്തു എറിഞ്ഞ് ഭീതി പരത്തിയത്.രാത്രി 10 മണിയോടെയാണ് പെരുമുക്ക് സ്വദേശിയായ ഷെഫീക്കിന്റെ വീട്ടിലും തുടര്‍ന്ന് ചിയ്യാനൂര്‍ സ്വദേശി മോഹനന്റെ വീട്ടിലും എത്തി സ്ഫോടക വസ്തു എറിഞ്ഞത്.വലിയ ശബ്ദത്തോടെ വീ ട്ടുമുറ്റത്ത് വീണ് ഇവ പൊട്ടിയതോടെ വീട്ടുകാര്‍ പോലീസിനെ വിവരം അറിയിക്കുകയായിരുന്നു. സംഭവ സ്ഥലത്ത് ചങ്ങരംകുളം പോലീസ് എത്തി പരിശോധന നടത്തി.വ്യാഴാഴ്ച വൈകിയിട്ട് ചങ്ങരംകുളത്ത് വച്ച് യുവാക്കള്‍ തമ്മില്‍ ഉണ്ടായ സംഘര്‍ഷത്തില്‍ കാഞ്ഞിയൂര്‍ സ്വദേശിയായ യുവാവിന് പരിക്കേറ്റിരുന്നു.ഈ അക്രമത്തിന്റെ തുടര്‍ച്ചയാണോ സംഭവത്തിന് പിന്നിലെന്ന് പോലീസ് സംശയിക്കുന്നുണ്ട്.