അധിക സമയത്തെ കളിയിൽ വീണ്ടും റയൽ; കോപ ഡെൽ റേ ക്വാർട്ടർ ഫൈനലിൽ കടന്നു

സെൽറ്റ വിഗോയെ വീഴ്ത്തി സ്പാനിഷ് വമ്പന്മാരായ റയൽ മഡ്രിഡ് കോപ ഡെൽ റേ ക്വാർട്ടർ ഫൈനലിൽ. രണ്ടിനെതിരെ അഞ്ച് ഗോളുകൾക്കാണ് റയലിന്‍റെ ജയം. നിശ്ചിത സമയം കഴിഞ്ഞ് അധിക സമയത്തായിരുന്നു റയലിന്റെ അവസാന മൂന്നുഗോളുകൾ. നിശ്ചിത സമയത്ത് ഇരുടീമുകളും 2-2 എന്ന സ്കോറിൽ സമനിലയിൽ പിരിഞ്ഞിരുന്നു,അധിക സമയത്തിന്‍റെ രണ്ടാം പകുതിയിൽ ബ്രസീൽ യുവതാരം എൻഡ്രിക് ഇരട്ട ഗോളുകളുമായി തിളങ്ങി. 108, 119 മിനിറ്റുകളിലായിരുന്നു താരത്തിന്‍റെ ഗോളുകൾ. കെയ്‌ലിയൻ എംബാപ്പെ , വിനീഷ്യസ് ജൂനിയർ , എന്നിവരാണ് നിശ്ചിത സമയത്ത് റയലിന് വേണ്ടി ഗോൾ നേടിയവർ. ഫെഡറിക് വാൽവെർദെയും 112 -ാം റയലിനായി വലകുലുക്കി. ജൊനാഥൻ ബംബാ (83), മാർകോസ് അലൊൻസോ (90+1) എന്നിവരാണ് സെൽറ്റയുടെ സ്കോറർമാർ.കോപ ഡെൽ റേയിൽ നടന്ന മത്സരത്തിൽ മത്സരങ്ങളിൽ അത്‍ലറ്റികോ മഡ്രിഡ് 4-0ത്തിന് എൽഷെയെയും ലെഗെൻസ് 3-2ന് അൽമേറിയയെയും ഗെറ്റാഫി ഒറ്റ ഗോളിന് പോണ്ടെവെഡ്രയെയും പരാജയപ്പെടുത്തി ക്വാർട്ടറിൽ പ്രവേശിച്ചു