കണ്ണൂരിൽ രോ​ഗിയുമായി പോയ ആംബുലൻസിന്റെ വഴിത്തടഞ്ഞ് കാർ; രോ​ഗി മരിച്ചു

കണ്ണൂരിൽ കാർ ആംബുലൻസിന്റെ വഴി തടഞ്ഞതിനെ തുടർന്ന് രോ​ഗി മരിച്ചു. മട്ടന്നൂർ സ്വദേശി റുക്കിയ (61) ആണ് മരിച്ചത്. എരിഞ്ഞോളി നയനാർ റോഡിലായിരുന്നു കാർ യാത്രികൻ ആംബുലൻസിന് വഴി നൽകാതിരുന്നത്. കഴിഞ്ഞ ദിവസം നടന്ന സംഭവത്തിന്റെ ദൃശ്യങ്ങളും പുറത്ത് വന്നിട്ടുണ്ട്.ഹൃദയാഘാതം ഉണ്ടായി രോ​ഗിയുമായി തലശേരിയിലേക്ക് പോവുകയായിരുന്ന ആംബുലൻസിനാണ് സൈഡ് നൽകാതിരുന്നത്. ഇന്നലെ വൈകിട്ടാണ് സംഭവം നടന്നത്. അരമണിക്കൂറോളം ആംബുലൻസിന് തടസമുണ്ടാക്കി കാർ മുന്നിലൂടെ പോയെന്നാണ് റിപ്പോർട്ടുകൾ. ആശുപത്രിയിൽ രോ​ഗിയെ എത്തിച്ചെങ്കിലും അല്പസമയത്തിനുള്ളിൽ മരണം സംഭവിച്ചു.രോ​ഗിയെ ആശുപത്രിയിൽ എത്തിക്കാൻ വൈകിപ്പിച്ചതാണ് മരണകാരണമെന്നാണ് ആരോപണം. കാർ ഡ്രൈവർക്കെതിരെ പരാതി നൽകുമെന്ന് ആംബുലൻസ് ഡ്രൈവർ അറിയിച്ചു.