അയൽവാസിയെ അടിച്ചു കൊലപ്പെടുത്തി,​ രക്ഷപ്പെടാൻ ശ്രമിക്കുന്നതിനിടെ കാപ്പകേസ് പ്രതി പിടിയിൽ

മാള കുരുവിലശ്ശേരിയിൽ കാപ്പ കേസ് പ്രതി അയൽവാസിയെ അടിച്ച് കൊലപ്പെടുത്തി. കുരുവിലശേരി പഞ്ഞിക്കാരൻ തോമസാണ് (55)​ കൊല്ലപ്പെട്ടത്. സംഭവത്തിന് ശേഷം രക്ഷപ്പെടാൻ ശ്രമിച്ച വാടാശേരി സ്വദേശി പ്രമോദിനെ പൊലീസ് പിടികൂടി. വലിയപറമ്പ് ജംഗ്ഷനിൽ നിന്ന് ഓട്ടോയിൽ വന്നിറങ്ങിയ പ്രതിയെ പൊലീസ് പിടികൂടി സ്റ്റേഷനിൽ എത്തിക്കുകയായിരുന്നു. ഓട്ടോയിൽ കയറി വീണ്ടും രക്ഷപ്പെടാൻ ശ്രമിക്കുന്നതിനിടെയാണ് പൊലീസ് പിടികൂടിയത്.വീടിന് മുന്നിലിട്ടാണ് അയൽവാസിയെ അടിച്ചുകൊലപ്പെടുത്തിയത്. കൊലപാതകത്തിന് പിന്നിലെ കാരണം വ്യക്തമല്ല. പ്രതിയെ ചോദ്യം ചെയ്ത് വരികയാണെന്ന് പൊലീസ് അറിയിച്ചു. പിടിയിലായ പ്രമോദ് നിരവധി കേസുകളിൽ പ്രതിയാണെന്ന് പൊലീസ് പറഞ്ഞു. .