നിരോധനത്തിന് അഞ്ച് വർഷം; പ്ലാസ്റ്റിക് കവറുകളുടെ വിൽപന വിപണിയിൽ സജീവം

നിരോധനമെല്ലാം കാറ്റിൽ പറത്തി വിപണിയിൽ പ്ലാസ്റ്റിക് കവറുകളുടെ വിൽപന സജീവം. 2020 ജനുവരി ഒന്ന് മുതലാണ് ഒറ്റത്തവണ ഉപയോഗിക്കുന്ന പ്ലാസ്റ്റിക്കുകൾക്ക് സംസ്ഥാനത്ത് സമ്പൂർണ നിരോധനം നടപ്പാക്കിയത്.എന്നാൽ, ഒഴിവാക്കിയവയെല്ലാം കോവിഡ് കാലത്തിനുശേഷം സുലഭമായതോടെ 2022 ജൂലൈ ഒന്ന് മുതൽ വീണ്ടും കർശന നിരോധനം ഏർപ്പെടുത്തി. എന്നാൽ, അഞ്ചുവർഷം തികയുമ്പോൾ പ്ലാസ്റ്റിക് കവറുക ൾ വ്യാപകമാണ്. നിരോധനം ഏർപ്പെടുത്തിയപ്പോൾ പ്ലാസ്റ്റിക്കിന് ബദലായി 45 തരം ഉൽപന്നങ്ങൾ തയാറാക്കിയിരുന്നു. ഇവയൊന്നും നിലവിൽ വിപണിയിൽ ലഭ്യമല്ല. തുണിക്കടകളിലും വൻകിട വ്യാപാര സ്ഥാപനങ്ങളിലും പേപ്പർ ബാഗ്, തുണിസഞ്ചി എന്നിവയാണ് പ്ലാസ്റ്റിക് കാരിബാഗുകൾക്ക് പകരം നൽകുന്നത്. ഇതിന് പ്രത്യേകം തുകയും ഈടാക്കുന്നുണ്ട്.