മയക്കുമരുന്നുമായി പുതുവർഷാഘോഷം’യുവാക്കള്‍ പൊന്നാനി പോലീസിന്റെ പിടിയില്‍

പിടിയിലായത് വെളിയംകോട് ഷോപ്പ് തല്ലി തകര്‍ത്ത് ഷോപ്പുടമയെ അക്രമിച്ച് പരിക്കേല്‍പിച്ച കേസിലെ പ്രതികള്‍പൊന്നാനി:വെളിയങ്കോട് ഷോപ്പുടമയെ ആക്രമിച്ച് പരിക്കേൽപ്പിച്ച കേസിലെ പ്രതികളെ മയക്ക് മരുന്നുമായി പൊന്നാനി പോലീസ് പിടികൂടി.രണ്ട് ദിവസം മുമ്പാണ് വെളിയംകോട് കട അക്രമിച്ച് ഉടമയെ ക്രൂരമായി അക്രമിച്ച് പരിക്കേല്‍പിച്ചത്.സംഭവത്തില്‍ പ്രതിയായ വെളിയങ്കോട് സ്വദേശി 27 വയസുള്ള കാടു എന്ന് വിളിക്കുന്ന മുഹമ്മദ് ജാസിറിനെയും ഇയാളുടെ സുഹൃത്ത് കുടിയായ എടക്കഴിയൂർ സ്വദേശി 27 വയസുള്ള വിഷ്ണുവിനെയും മാരക മയക്കുമരുന്നായ എംഡിഎംഎ യുമായി അന്വേഷണ സംഘം പിടികൂടിയത്.വ്യാപാരിയെ മര്‍ദ്ധിച്ചവര്‍ക്കായി പോലീസ് അന്വേഷണം തുടരുന്നതിനിടെയാണ് വെളിയംകോട് ദേശീയ പാതയുടെ സമീപത്ത് നിന്നും ഇരുവരെയും 3ഗ്രാം മയക്കുമരുന്ന് സഹിതം അന്വേഷണസംഘം അറസ്റ്റ് ചെയ്തത്.പൊന്നാനി സിഐ ജലീൽ കറുതേടത്തിന്റെ നേതൃത്വത്തില്‍ എസ്ഐ മാരായ അനിൽ ടിഡി, വിനോദ് ടി, ആനന്ദ് ,സീനിയർ സിവിൽ പോലീസ് ഓഫീസർമാരായ സജുകുമാർ,നാസർ,സിവിൽ പോലീസ് ഓഫീസർ മാരായ മഹേഷ് ,ആനന്ദ്,വിനോദ് എന്നിവരടങ്ങിയ സംഘമാണ് പ്രതികളെ പിടികൂടിയത്.പിടിയിലായ പ്രതികളെ പൊന്നാനി കോടതിയിൽ ഹാജരാക്കി റിമാൻഡ് ചെയ്തു.