പെരുമ്പടപ്പ്:സംസ്ഥാന യുവജന ക്ഷേമ ബോർഡും പെരുമ്പടപ്പ് ബ്ലോക്ക് പഞ്ചായത്തും സംയുക്തമായി സംഘടിപ്പിക്കുന്ന കേരളോത്സവം 2026ന് തുടക്കമായി. ബ്ലോക്ക് പഞ്ചായത്ത് ഹാളിൽ മലയാളം കവിത രചന, കഥാ രചന, ഇംഗ്ലീഷ് കവിത രചന, കാർട്ടൂൺ,പെൻസിൽ ഡ്രോയിങ്, വാട്ടർ കളർ, ചെസ്സ് എന്നീ മത്സരങ്ങളാണ് ഉദ്ഘാടനം ദിവസം നടന്നത്. പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് റമീന ഇസ്മായിൽ ഉദ്ഘാടനം നിർവഹിച്ചു. വൈസ് പ്രസിഡന്റ് സാബിറ ശറഫുദ്ധീൻ അധ്യക്ഷത വഹിച്ചു.നന്നംമുക്ക് ഗ്രാമ പഞ്ചായത്ത് പ്രസിഡന്റ് ശാന്തിനി രവീന്ദ്രൻ, ഹസീബ് കൊക്കൂർ, സംഗീത രാജൻ, അഡ്വ. നിയാസ് മുഹമ്മദ് എന്നിവർ ആശംസകൾ നേർന്ന് സംസാരിച്ചു.വിവിധ പഞ്ചായത്തുകളിൽ നിന്നും വിജയിച്ച മത്സരാർത്ഥികളാണ് ബ്ലോക്ക് തലത്തിൽ മത്സരിക്കുന്നത്. വരും ദിവസങ്ങളിൽ അത് ലറ്റിക്സ്, വോളിബോൾ, ഫുട്ബോൾ,വടംവലി, ബാറ്റ് മെന്റൻ, ക്രിക്കറ്റ്, നീന്തൽ, സ്റ്റേജ് തല മത്സരങ്ങൾ നടക്കുമെന്ന് സംഘാടകർ അറിയിച്ചു.







