പുതുവത്സര സമ്മാനമായി ഗ്യാസ് സിലിണ്ടറിൻ്റെ വില കുറച്ച് ഓയിൽ കമ്പനികൾ

പുതുവർഷ ദിനത്തിൽ ഓയിൽ കമ്പനികൾ ഗ്യാസ് സിലിണ്ടർ വിലയിൽ കുറവു വരുത്തി. 19 കിലോഗ്രാം വാണിജ്യ സിലിണ്ടറിന് 14.5 രൂപയാണ് വെട്ടിക്കുറച്ചത്. കൊച്ചിയിൽ വാണിജ്യ സിലിണ്ടറിൻ്റെ പുതിയ വില1,813 രൂപയാണ്. തുടർച്ചയായ അഞ്ചു മാസങ്ങളിൽ വില വർധിപ്പിച്ച ശേഷമാണ് ഓയിൽ കമ്പനികൾ നിരക്ക് കുറച്ചത്. അതേസമയം, ഗാർഹിക ഉപയോഗത്തിനുള്ള 14.2 കിലോഗ്രം എൽ.പി.ജി സിലിണ്ടർ വിലയിൽ മാറ്റമില്ല.വിമാന ഇന്ധന വിലയിലും ജനുവരി ഒന്നു മുതൽ കുറവു വന്നിട്ടുണ്ട്. 1.53 ശതമാനമാണ് താഴ്ത്തിയത്. ഏവിയേഷൻ ടർബൈൻ ഫ്യൂവൽ (എ.ടി.എഫ്)നിരക്കിൽ കുറവു വന്നത് ആഭ്യന്തര വിമാനയാത്ര നിരക്കിൽ പ്രതിഫലിക്കുമെന്ന പ്രതീക്ഷയിലാണ് യാത്രക്കാർ.