ബിരുദധാരികളാണോ.. കേരള പൊലീസില്‍ കേറാം

ബിരുദധാരികളായ വ്യക്തികളില്‍ നിന്നും കേരള പൊലീസില്‍ സബ്-ഇൻസ്പെക്ടർ തസ്തികയിലേക്ക് അപേക്ഷ ക്ഷണിച്ചു. ആംഡ് പൊലീസ് (കാറ്റഗറി നമ്ബർ: 508/2024, 509/2024), സിവില്‍ പൊലീസ് (കാറ്റഗറി നമ്ബർ: 510/2024, 512/2024) വിഭാഗങ്ങളില്‍ വെവ്വേറെയായിട്ടാണ് വിജ്ഞാപനം ഉണ്ടായിരിക്കുക.സിവില്‍ പൊലീസ് വിഭാഗത്തില്‍ വനിതകള്‍ക്കും അപേക്ഷിക്കാവുന്നതാണ്. നിലവില്‍ വിജ്ഞാപനം പ്രസിദ്ധീകരിച്ചിട്ടുള്ളത് പ്രതീക്ഷിത ഒഴിവുകളിലേക്കാണ്.കേരള പി.എസ്.സിയുടെ www.keralapsc.gov.in എന്ന വെബ്സൈറ്റിലെ ഒറ്റത്തവണ രജിസ്ട്രേഷൻ പോർട്ടല്‍ വഴിയാണ് അപേക്ഷിക്കേണ്ടത്. അവസാന തീയതി: 2025 ജനുവരി 29.ശാരീരിക യോഗ്യത: പുരുഷന്മാർക്ക് കുറഞ്ഞത് 167 സെ.മീ ഉയരം (സിവില്‍ പൊലീസില്‍ 165), 81 സെ.മീ നെഞ്ചളവ് (എസ്.സി, എസ്.ടി വിഭാഗക്കാർക്ക് അഞ്ച് സെ.മീ ഇളവ്) എന്നിവയുണ്ടാകണം. വനിതകള്‍ക്ക് 160 സെ.മീ ആണ് കുറഞ്ഞ ഉയരം. അപേക്ഷകർക്ക് മികച്ച കാഴ്ച, കേള്‍വി ശക്തി ഉണ്ടായിരിക്കണം.ശമ്ബളം: 45,600 – 95,600 രൂപയായിരിക്കും.തെരഞ്ഞെടുപ്പ്: ഉദ്യോഗാർഥികളെ തെരഞ്ഞെടുക്കുക, എഴുത്തുപരീക്ഷ, ശാരീരിക ക്ഷമതാപരിശോധന, വൈദ്യപരിശോധന എന്നിവയുടെ അടിസ്ഥാനത്തിലായിരിക്കും. വിശദവിവരങ്ങള്‍ വെബ്സൈറ്റില്‍ ലഭ്യമാണ്.