അതിരപ്പിള്ളിയിൽ പ്രവേശനടിക്കറ്റ് നിരക്ക് കൂട്ടി.

തൃശ്ശൂർ : അതിരപ്പിള്ളി വിനോദസഞ്ചാരകേന്ദ്രത്തിൽ പ്രവേശനടിക്കറ്റ് നിരക്ക് വർധിപ്പിച്ചു. പുതിയ നിരക്ക് പുതുവത്സരദിനത്തിൽ പ്രാബല്യത്തിലാകും. അതിരപ്പിള്ളിയിലെയും വാഴച്ചാലിലെയും ടിക്കറ്റ് നിരക്കിൽ ജി.എസ്.ടി. ഏർപ്പെടുത്തിയതാണ് വർധനയ്ക്ക് കാരണം. എല്ലാ ടിക്കറ്റ് നിരക്കുകളിലും ആനുപാതിക വർധനയുണ്ട്. ഒരേ ടിക്കറ്റിൽ അതിരപ്പിള്ളി, വാഴച്ചാൽ വെള്ളച്ചാട്ടങ്ങൾ സന്ദർശിക്കാനാകും. 12 വയസ്സിനു മുകളിലുള്ള വിനോദസഞ്ചാരികൾക്ക് 50 രൂപയായിരുന്നത് ജി.എസ്.ടി. ഉൾപ്പെടെ 60 രൂപയാകും. കുട്ടികൾക്ക് 12 രൂപയായിരുന്നത് 15 രൂപയും വിദ്യാർഥികൾക്ക് 17 രൂപയായിരുന്നത് 20 രൂപയും ആകും. വിദേശികൾക്ക് 211 രൂപ 250 രൂപയാകും.പാർക്കിങ് ഫീസ് ഇരുചക്രവാഹനങ്ങൾക്ക് 13 രൂപയിൽനിന്നു 15 രൂപയും ചെറിയ വാഹനങ്ങൾക്ക് 33 രൂപയിൽനിന്ന് 40 രൂപയും ഇടത്തരം വാഹനങ്ങൾക്ക് 42 രൂപയിൽനിന്ന് 50 രൂപയുമായി വർധിക്കും. വലിയ വാഹനങ്ങൾക്ക് നിരക്ക് 84 രൂപയിൽനിന്ന് 100 രൂപയാകും. ഫോട്ടോ ക്യാമറയ്ക്ക് 63 രൂപയിൽനിന്ന് 75 രൂപയും വീഡിയോ ക്യാമറയ്ക്ക് 423-ൽനിന്ന് 500 രൂപയും ആകും.