പാവിട്ടപ്പുറം അസ്സബാഹ്ഹയർ സെക്കൻഡറി സ്കൂളില്‍ നാഷണൽ സർവ്വീസ് സ്കീം സപ്ത ദിനക്യാമ്പ് സമാപിച്ചു

പാവിട്ടപ്പുറം അസ്സബാഹ്ഹയർ സെക്കൻഡറി സ്കൂൾ ഫോർ ഗേൾസ് നാഷണൽ സർവ്വീസ് സ്കീംസപ്ത ദിന ക്യാമ്പ് സമാപന സമ്മേളനം ഒതളൂർ ഗവ: യുപി സ്കൂളിൽ ജില്ലാപഞ്ചായത്ത് മെമ്പർ ആരിഫ നാസർ ഉദ്ഘാടനം ചെയ്തു.പ്രിൻസിപ്പാൾ പി.വി വില്ലിംഗ്ടൺ അധ്യക്ഷനായി.പ്രോഗ്രാം ഓഫീസർ ജംസിയ ബി.പി.സ്വാഗതം പറഞ്ഞു.സുസ്ഥിര വികസനത്തിനായി എൻഎസ്എസ് യുവത എന്ന ആശയത്തോടെ നടത്തിയ ക്യാമ്പിൽ സുകൃത കേരളം,കൂട്ടുകൂടി നാടു കാക്കാം,സ്നേഹസന്ദർശനം, ഹരിത സമൃദ്ധി,മൂല്യനിർമ്മാണം സൃഷ്ടിപരതയിലൂടെ, സത്യമേവജയതേ,പുസ്തക പയറ്റ്,ഡിജിറ്റൽ ലിറ്ററസി, അംഗൻവാടി ശുചീകരണം സുസ്ഥിര ജീവിതശൈലി എന്നിവ സംബന്ധിച്ചുള്ള ക്ലാസുകളും ശുചീകരണ പ്രവർത്തികളും നടന്നു.വാർഡ് മെമ്പറും സ്വാഗത സംഘം ചെയർപേഴ്സണുമായ സുജിത സുനിൽ ,ഹെഡ്മിസ്ട്രസ് ലത, പി.ടി എ പ്രസിഡണ്ട് നാസർ വി.പി,അധ്യാപകരായ സുരേഷ് ബാബു കെ.എം,അബ്ദുൾലത്തീഫ് സി. എം , ക്രിസ്റ്റീന ജോർജ് എന്നിവർ സംസാരിച്ചു.എൻഎസ്എസ് ലീഡർ സൽവ ഫാത്തിമ കെ.പി നന്ദി പറഞ്ഞു.