ഇനി കള്ളന്‍മാര്‍ പേടിക്കണം’നന്നംമുക്ക് മുതുകാട് പ്രദേശം സിസിടിവി നിരീക്ഷണത്തിൽ’

ചങ്ങരംകുളം:ലഹരി സംഘങ്ങളും കള്ളന്‍മാരും ഇനി മുതുകാട് വരുമ്പോള്‍ ഒന്ന് സൂക്ഷിക്കേണ്ടിവരും.പ്രദേശത്ത് മുഴുവന്‍ സിസിടിവി സ്ഥാപിച്ച് ഒരു ഗ്രാമം മുഴുവന്‍ നിരീക്ഷിക്കാനുള്ള സംവിധാനം ഒരുക്കിയിരിക്കുകയാണ് മുതുകാട് നിവാസികള്‍.നന്നംമുക്ക് മുതുകാട് പ്രവര്‍ത്തിക്കുന്ന നന്മ ചാരിറ്റബിൾ സൊസൈറ്റിയുടെ നേതൃത്വത്തിലാണ്
നന്മ യുഎഇ കമ്മറ്റിയുടെ സഹായത്തോടെ പ്രദേശത്തെ പ്രധാന റോഡുകളില്‍ സിസിടിവി സ്ഥാപിച്ചത്.മുതുകാടിന്റെ വിവിധ ഭാഗങ്ങളിൽ സ്ഥാപിച്ച സിസിടിവി ദൃശ്യങ്ങള്‍ ഒരേസമയം നിരീക്ഷിക്കാനും ഇവിടെ പ്രത്യേക സംവിധാനം ഒരുക്കിയിട്ടുണ്ട്.പദ്ധതിയുടെ സ്വിച്ച് ഓൺകർമം നന്മ ചാരിറ്റബിൾ സൊസൈറ്റി ചെയർമാൻ കെ ബാലന്‍, നന്മ യുഎഇ കമ്മറ്റി ഓർഗനൈസിംഗ് സെക്രെട്ടറി സിഎം മുസ്തഫ എന്നിവര്‍ ചേർന്ന് നിർവഹിച്ചു.നന്മ പ്രസിഡന്റ്‌ ഇകെ മുഹമ്മദ്‌ അദ്ധ്യക്ഷത വഹിച്ച ചടങ്ങില്‍ ജനറൽ സെക്രട്ടറി സിഎം റഷീദ് സ്വാഗതവും ഹരിദാസൻ നന്ദിയും പറഞ്ഞു.അഷ്‌റഫ്‌ സഖാഫി,ഇ കെ അബൂബക്കർ എന്നിവർ ആശംസ നേർന്നു സംസാരിച്ചു