പട്ടാമ്പി സ്വദേശിനി രാധിക അശോകിന് സ്വാതി തിരുനാൾ സംഗീത രത്ന പുരസ്‌കാരം

പട്ടാമ്പി: പ്രശസ്ത പിന്നണി ഗായിക രാധിക അശോകിന് ഈ വർഷത്തെ സ്വാതി തിരുനാൾ സംഗീത രത്ന പുരസ്‌കാരം. കെ.ജി. വിജയകുമാർ സംവിധാനം ചെയ്ത അയ്യപ്പനും വാപുരനും എന്ന ചിത്രത്തിൽ പ്രഭാവർമ്മ രചിച്ച് ജോൺസൺ സംഗീതം നൽകിയ “കർപ്പൂരമായ് നിന്നെരിയുന്ന മനമോടെ” എന്ന ഗാനത്തിന്റെ വ്യത്യസ്തമായ ഗാനാലാപന ശൈലിക്ക് ഈ പുരസ്‌കാരം ലഭിച്ചു.ഡിസംബർ 24 ന് തിരുവനന്തപുരം പ്രെസ്സ് ക്ലബ്ബിൽ വച്ച് അശ്വതി തിരുനാൾ ഗൗരി ലക്ഷ്മി ഭായ് തമ്പുരാട്ടിയിൽ നിന്ന് രാധിക അശോക് പുരസ്‌കാരം ഏറ്റുവാങ്ങും. ഫലകം, പ്രശസ്തി പത്രം, സമാന തുക എന്നിവയടങ്ങിയതാണ് ഈ പുരസ്‌കാരം.സ്വാതി തിരുനാൾ സംഗീത രത്ന പുരസ്‌കാരം ലഭിക്കുന്ന ആദ്യ പാലക്കാട്ടുകാരി എന്ന പ്രത്യേകതയും രാധിക അശോകിന് സ്വന്തമാണ്.ഭർത്താവ് അശോകും മക്കളായ നിരഞ്ജൻ കൃഷ്ണയും ഗൗതം കൃഷ്ണയും രാധികയുടെ സംഗീത ജീവിതത്തിന് ഉണർവ്വേകുന്ന ശക്തികളാണ്.